ଆର୍ଜେଣ୍ଟିନା ପାଇଁ କର ବା ମର ପରିସ୍ଥିତି

ଦୋହା: ଲୁସେଲା ଆଇକନିକ ଷ୍ଟାଡ଼ିୟମରେ ଆଜି ଗ୍ରୁପ-ସିର ଦ୍ବିତୀୟ ରାଉଣ୍ଡର ଗୁରୁତ୍ବପୂର୍ଣ୍ଣ ଲିଗ୍ ମ୍ୟାଚ । ଆର୍ଜେଣ୍ଟିନା ଓ ମେକ୍ସିକୋ ମଧ୍ୟରେ ମ୍ୟାଚ ଥିବା ବେଳେ ଆର୍ଜେଣ୍ଟିନା ପାଇଁ କର ବା ମର ସ୍ଥିତି ସୃଷ୍ଟି ହୋଇଛି । ଲିଓନେଲ ମେସିଙ୍କ ନେତୃତ୍ବାଧୀନ ଆର୍ଜେଣ୍ଟିନାକୁ ନକଆଉଟ୍ ଦୌଡ଼ରେ ତିଷ୍ଠି ରହିବାକୁ ହେଲେ ଏହି ମ୍ୟାଚ ଜିତିବା ଏକାନ୍ତ ଆବଶ୍ୟକ । ଆର୍ଜେଣ୍ଟିନା ପ୍ରଥମ ମ୍ୟାଚରେ ସାଉଦି ଆରବ ନିକଟରୁ ୧-୨ ଗୋଲରେ ପରାସ୍ତ ହୋଇଥିଲା । ଦଳ ପ୍ରଥମାର୍ଦ୍ଧରେ ମେସିଙ୍କ ପେନାଲ୍ଟି ବଳରେ ଗୋଟିଏ ଗୋଲରେ ଆଗୁଆ ରହିଥିଲେ ମଧ୍ୟ ଦ୍ବିତୀୟାର୍ଦ୍ଧରେ ଦୁର୍ବଳ ପ୍ରଦର୍ଶନ ପାଇଁ ଦୁଇଟି ଗୋଲ ହରାଇଥିଲା ।

ମେସିଙ୍କ ସମେତ ଡିଫେଣ୍ଡର କିଷ୍ଟିଆନ ରୋମିରେ, ଲିସାଣ୍ଡ୍ରୋ ମାର୍ଟିନେଜ, ରୋଡିଗ୍ରୋ ଡି ପଲ୍, ଡି ମାରିଆ, ଲାଉଟାରୋ ମାର୍ଟିଜେନଙ୍କ ଭଳି ତାରକା ରହିଥିଲେ ମଧ୍ୟ କିଛି ଚମକ ଦେଖାଇ ପାରିନଥିଲେ । ଆଜିର ମ୍ୟାଚରେ ଦଳ ମେକ୍ସିକୋକୁ ପରାସ୍ତ କରିବା ସହ ନକଆଉଟ୍ ଆଶାକୁ ବଜାୟ ନେଇ ପ୍ରାଣମୂର୍ଚ୍ଛା ଉଦ୍ୟମ କରିବ । ସେପଟେ ଗ୍ରୁପ ଡି ମ୍ୟାଚରେ ଅଷ୍ଟ୍ରେଲିଆର ହାଇଭୋଲଟେଜ ପ୍ରଦର୍ଶନ । ଟ୍ୟୁନିସିଆକୁ ୧-୦ରେ ହରାଇଛି ଅଷ୍ଟ୍ରେଲିଆ ଟିମ୍ । ମିସେଲ ଡ୍ୟୁକ ଦେଲେ ଗୋଲ । ଏଥିସହ 2-0 ଗୋଲରେ ସାଉଦିକୁ ହରାଇଲା ପୋଲାଣ୍ଡ ।