ଆନ୍ଦୋଳନରତ ଡାକ୍ତରଙ୍କ ନିକଟରେ ପହଞ୍ଚିଲେ ଦିଦି, କହିଲେ ମୋର ପଦବି ବଡ଼ ନୁହେଁ

ନନ୍ଦିଘୋଷ ବ୍ୟୁରୋ: କୋଲକାତା ଆରଜି କର ମେଡିକାଲ କଲେଜ ଦୁଷ୍କର୍ମ ଓ ହତ୍ଯା ଘଟଣା। ଆନ୍ଦୋଳନରତ ଡାକ୍ତରଙ୍କ ନିକଟରେ ପହଞ୍ଚିଲେ ମୁଖ୍ଯମନ୍ତ୍ରୀ ମମତା ବାନାର୍ଜୀ। ଆନ୍ଦୋଳନସ୍ଥଳରେ ପହଞ୍ଚିବା ସହ ଡାକ୍ତରଙ୍କୁ ଦେଇଛନ୍ତି ଉଦବୋଧନ। କହିଛନ୍ତି- ମୁଖ୍ଯମନ୍ତ୍ରୀ ଭାବେ ନୁହେଁ, ବରଂ ଦିଦି ଭାବେ ଆପଣଙ୍କ ନିକଟରେ ପହଞ୍ଚିଛି। ମୋର ପଦବି ବଡ଼ ନୁହେଁ, ବରଂ ଲୋକଙ୍କ ପଦବି ହେଉଛି ବଡ଼।

ପ୍ରବଳ ବର୍ଷାରେ ଆନ୍ଦୋଳନ କରୁଥିବାରୁ ଗତକାଲି ରାତିରେ ମୋତେ ନିଦ ହୋଇନାହିଁ। ଆପଣମାନଙ୍କ ଦାବି ପୂରଣ ଦିଗରେ ମୁଁ ଚେଷ୍ଟା କରିବି। ଟ୍ରେନି ଡାକ୍ତରଙ୍କୁ ନ୍ୟାୟ ଲାଗି ମୁଁ ଉଦ୍ଯମ କରିବି। ଡାକ୍ତରଙ୍କୁ ସୁରକ୍ଷା ଓ ଅନ୍ଯାନ୍ଯ ଦାବିରେ କୋଲକାତାରେ ଜୁନିୟର ଡାକ୍ତରମାନେ ଚଳାଇଛନ୍ତି ଆନ୍ଦୋଳନ। ଏକମାସରୁ ଅଧିକ ଦିନ ଧରି ଡାକ୍ତରଙ୍କ ଆନ୍ଦୋଳନ ଚାଲିଥିବାବେଳେ ସେଥିରେ ସାମିଲ ହୋଇଛନ୍ତି ଜୁନିଅର ଡାକ୍ତର ଓ ଅନ୍ଯାନ୍ଯ ସଂଗଠନ। ଗତକାଲି ବି ପ୍ରବଳ ବର୍ଷା ସତ୍ତ୍ବେ ଡାକ୍ତର ଓ ସିପିଏମ ପକ୍ଷରୁ ହୋଇଥିଲା ଆନ୍ଦୋଳନ।