ଭୁବନେଶ୍ୱର: ଉଦ୍ଘାଟିତ ହେଲା ନୂଆ LHB Rake ଭୁବନେଶ୍ୱର – ଜଗଦଲପୁର ଭାୟା କୋରାପୁଟ ହୀରାଖଣ୍ଡ ଏକ୍ସପ୍ରେସ । ନୂଆଦିଲ୍ଲୀ ରେଳ ଭବନରେ ଉଦଘାଟିତ ହୋଇଛି । କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଓ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ହୀରାଖଣ୍ଡ ଏକ୍ସପ୍ରେସକୁ ପତାକା ଦେଖାଇ ଉଦ୍ଘାଟନ କରିଛନ୍ତି । ହୀରାଖଣ୍ଡ ଏକ୍ସପ୍ରେସ୍ ବର୍ତ୍ତମାନ 12 କୋଚ୍ ଯଥା ଗୋଟିଏ ଏସି- ୨ ଟାୟାର, ଦୁଇଟି ଏସି ୩ ଟାୟାର, ଚାରିଟି ସ୍ଲିପର କ୍ଲାସ, ତିନିଟି ଦ୍ବିତୀୟ ଶ୍ରେଣୀ ସିଟିଙ୍ଗ ରହିଛି ।
ଏହାସହ ଦୁଇଟି ଗାର୍ଡ ତଥା ଲଗେଜ ଭ୍ୟାନ ମିଶ୍ରଣ ସହିତ ଏଲଏଚବି କୋଚ ସହିତ ଚଳାଚଳ କରିବ ଟ୍ରେନ । ଏହି ଅବସରରେ ଭୁବନେଶ୍ବର ରେଳ ଷ୍ଟେସନରେ ମନ୍ତ୍ରୀ ପଦ୍ମନାଭ ବେହେରା, ଅଶୋକ ଚନ୍ଦ୍ର ପଣ୍ଡା, ସାଂସଦ ଅପରାଜିତା ଷଡ଼ଙ୍ଗୀ, ବିଧାୟକ ସୁରେଶ ରାଉତରାୟ, ସପ୍ତଗିରି ଉଲାକା, ତାରା ପ୍ରସାଦ ବାହିନପତି, ଅନନ୍ତ ନାରାୟଣ ଜେନା, ରାଜେନ୍ଦ୍ର ସାହୁ, ସୁଶାନ୍ତ କୁମାର ରାଉତ, ମକରନ୍ଦ ମୁଦୁଲି, ପ୍ରଭୁ ଜାନି ଉପସ୍ଥିତ ରହିଥିଲେ । ନୂଆଦିଲ୍ଲୀରୁ ଭିଡିଓ କନଫରେନ୍ସ ମାଧ୍ୟମରେ ଏହି ରେଳ ସେବାର ଶୁଭାରମ୍ଭ ହୋଇଥିଲା ।
