ହାତୀ ମୃତ୍ୟୁ ଘଟଣା: ନିଲମ୍ବିତ ହେଲେ ୩ ବନ କର୍ମଚାରୀ

1 min read

ବୌଦ୍ଧ:  ବଘିଆପଡା ସେକ୍ସନରେ ଦୁଇ ହାତୀ ମୃତ୍ୟୁ ଘଟଣାରେ କାର୍ଯ୍ୟାନୁଷ୍ଠାନ । ନିଲମ୍ବିତ ହେଲେ ୩ ବନ କର୍ମଚାରୀ । ବଘିଆପଡା ସେକ୍ସନ ଫରେଷ୍ଟର ଶୁଶିଲ ହୋତା, ଜାମଖୋଲ ବିଟ୍ ଫରେଷ୍ଟ ଗାର୍ଡ ଜ୍ୟୋତିରଞ୍ଜନ ବାରିକ ଓ ଫରେଷ୍ଟ ଗାର୍ଡ ଶରତ ଚନ୍ଦ୍ର ବାରିକଙ୍କୁ ନିଲମ୍ବିତ କରାଯାଇଛି । ଗତ ଦୁଇଦିନ ଭିତରେ ବୌଦ୍ଧ ବନଖଣ୍ଡ ଅଞ୍ଚଳରୁ ଦୁଇଟି ହାତୀର ମୃତଦେହ ଠାବ କରାଯାଇଛି ।

ଦୁଇଦିନ ତଳେ ବଘିଆପଡା ସେକ୍ସନ ବାଙ୍କମୁଣ୍ଡି ସଂରକ୍ଷିତ ଜଙ୍ଗଲର କମ୍ପାଟମେଣ୍ଟ ନମ୍ବର ୮ ରୁ ଦାନ୍ତ ବିହୀନ ଦନ୍ତା ହାତୀର ମୃତଦେହ ଠାବ ହୋଇଥିଲା । ଶିକାରୀ ମାନେ ହାତୀଟିର ଦାନ୍ତ କାଟି ନେଇଥିଲେ । ତେବ ତଦନ୍ତ କରିବା ପୂର୍ବରୁ ରାତିଅଧିଆ ମୃତ ଦେହକୁ ପୋତି ଦେଇଥିଲା ବନବିଭାଗ । ଗତକାଲି ଆଉଏକ ହାତୀର ମୃତଦେହ ମିଳିଥିବାବେଳେ ଏନେଇ ତଦନ୍ତ ଜାରି ରହିଛି । ଘଟଣାରେ ଅବହେଳା ଦର୍ଶାଇ ୩ ଜଣ ବନ କର୍ମଚାରୀଙ୍କୁ ନିଲମ୍ବନ କରାଯାଇଛି ।

[DISPLAY_ULTIMATE_SOCIAL_ICONS]