ଜଗତସିଂହପୁର: ପାରାଦୀପ ସମୁଦ୍ରରୁ ଉଦ୍ଧାର ହୋଇଛନ୍ତି ୧୧ ମତ୍ସ୍ୟଜୀବୀ । ଗଭୀର ସମୁଦ୍ରରୁ ମତ୍ସ୍ୟଜୀବୀ ମାନଙ୍କୁ ଉଦ୍ଧାର କରି ସଫଳ ଭାବରେ କୂଳରେ ପହଁଚାଇଛି କୋଷ୍ଟଗାର୍ଡ । ମିଳିଥିବା ସୂଚନା ମୁତାବକ ମତ୍ସ୍ୟଜୀବୀ ମାନେ ମାଛଧରା ବୋଟ୍ରେ ମଝି ସମୁଦ୍ରକୁ ଯାଇଥିଲେ । କିନ୍ତୁ ସେହି ସମୟରେ ବୋଟ୍ ଇଞ୍ଜିନ୍ ଖରାପ ହୋଇଯାଇଥିଲା । ଫଳରେ ମଝି ସମୁଦ୍ରରେ ଫସି ରହିଥିଲେ ଏହି ମତ୍ସ୍ୟଜୀବୀ ।
ତେବେ ଏହି ଘଟଣାବିଷୟରେ କୋଷ୍ଟଗାର୍ଡ ଟିମ ଖବର ପାଇବା ପରେ ସମୁଦ୍ର ମଝିରେ ପହଁଚିଥିଲେ । ସେଠାରେ ଫସିରହିଥିବା ମତ୍ସ୍ୟଜୀବୀଙ୍କୁ ଉଦ୍ଧାର କାର୍ଯ୍ୟରୋେ ନିୟୋଜିତ ହୋଇଥିଲେ । କୋଷ୍ଟଗାର୍ଡର ଜାହାଜ ଅନମୋଲ ସମସ୍ତଙ୍କୁ ଉଦ୍ଧାର କରିବା ସହ ବୋଟକୁ ଟାଣି ଟାଣି କୂଳକୁ ଆଣିଥିଲା । ଫଳରେ ସୁରକ୍ଷିତ ଭାବେ କୂଳକୁ ପ୍ରତ୍ୟାବର୍ତ୍ତନ କରିଥିଲେ ସ୍ଥାନୀୟ ମତ୍ସ୍ୟଜୀବୀ ।
