ରାଉରକେଲା ଗ୍ୟାସ ଲିକ ଘଟଣା: ଏନଜିଟି ପକ୍ଷରୁ ଦିଆଯାଇଥିବା ଆଦେଶକୁ ସୁପ୍ରିମକୋର୍ଟଙ୍କ ରୋକ

1 min read

ରାଉରକେଲା: ଇସ୍ପାତ କାରଖାନାର ସିସିଡି ବିଭାଗରେ ଗ୍ୟାସ ଲିକ ହୋଇ ୪ଜଣ ଠିକା ଶ୍ରମିକ ମୃତ୍ୟୁ ବରଣ କରିବା ଘଟଣାର ଏନଜିଟି ପକ୍ଷରୁ ଦିଆଯାଇଥିବା ଆଦେଶକୁ ସୁପ୍ରିମକୋର୍ଟ ରୋକ ଲଗାଇଥିବା ସୁଚନା ମିଳିଛି । ଗତ ଜାନୁଆରୀ ମାସ ୬ ତାରିଖ କାର୍ଵନ ମନୋଓକ୍ସାଇଡ ଗ୍ୟାସ ଲିକ୍ ହୋଇ ୪ଜଣ ଠିକା ଶ୍ରମିକ ମୃତ୍ୟୁ ବରଣ କରିବା ପରେ ଏନଜିଟି ନିଜ ଆଡୁ ଏକ ମକଦ୍ଦମା ରୁଜୁ କରିଵା ସହ ମୃତକଙ୍କ ପରିବାରକୁ ଆର୍ଥିକ ସହାୟତା ପ୍ରଦାନ ପାଇଁ ଆଦେଶ ଦେଇଥିଲେ। ଏହାସହ ୫ ଜଣିଆ କମିଟି ଗଠନ କରି ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେବା ପରେ ଚଳିତ ମାସ ୬ ତାରିଖ ଠାରୁ ୮ ତାରିଖ ପର୍ଯ୍ୟନ୍ତ କମିଟି ରାଉରକେଲା ସହରରେ ରହି ତଦନ୍ତ କରି ଫେରିଛନ୍ତି।

୫ ଜଣିଆ ଉଚ୍ଚସ୍ତରୀୟ କମିଟି ତିନି ଦିନ ଧରି ରାଉରକେଲା ସହରରେ ରହି ଦୁର୍ଘଟଣା ସ୍ଥଳ ଗସ୍ତ କରି ଗ୍ୟାସ ଲିକ ଘଟଣାର ତଦନ୍ତ କରିବା ସହ ମକଡ୍ରିଲ ଅନୁଧ୍ୟାନ କରିଥିଲେ। ଏହି ୫ ଜଣିଆ କମିଟିରେ କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟର ପୁର୍ବାଞ୍ଚଳ ଯୋନର ବରିଷ୍ଠ ବୈଜ୍ଞାନିକ, କେନ୍ଦ୍ର ପ୍ରଦୁଷଣ ନିୟନ୍ତ୍ରଣ ବୋର୍ଡର କୋଲକାତାର ଆଞ୍ଚଳିକ ନିର୍ଦେଶକ, ରାଜ୍ୟ ପ୍ରଦୁଷଣ ନିୟନ୍ତ୍ରଣ ବୋର୍ଡର ରାଉରକେଲା ଆଞ୍ଚଳିକ ମୁଖ୍ୟ ଓ ଦୁଇଜଣ ଇଣ୍ଡଷ୍ଟ୍ରିଆଲ ଏକ୍ସପର୍ଟ ଥିଲେ। ତେଵେ ଗତ ଫେବୃଆରୀ ମାସ ୧୧ ତାରିଖ ଏନଜିଟି ପକ୍ଷରୁ ଦିଆଯାଇଥିବା ଆଦେଶକୁ ସୁପ୍ରିମକୋର୍ଟ ରୋକ ଲଗାଇଥିବା ରାଉରକେଲା ଇସ୍ପାତ କାରଖାନା ପିଆର ଵିଭାଗ ପକ୍ଷରୁ ସୂଚନା ଦିଆଯାଇଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner