ନନ୍ଦିଘୋଷ ବ୍ୟୁରୋ : ମହାପରାୟଣ ଗାଡି ନମିଳିବାରୁ ୩ କିଲୋମିଟର ବୁହାହେଲା ବୃଦ୍ଧାଙ୍କ ମୃତଦେହ । କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଅଞ୍ଚଳରୁ ଏଭଳି ଅଭାବନୀୟ ଦୃଶ୍ୟ ସାମନାକୁ ଆସିଛି। ଝିଞ୍ଜିରିଗୁଡ଼ା ପଞ୍ଚାୟତ କିରାମା ଗାଁର ଫିଲିମିନା ନାୟକ ଅସୁସ୍ଥତା ହେତୁ ବ୍ରାହ୍ମଣୀଗାଁ ସ୍ଥିତ ବଡ଼ଝିଅ ଘରେ ରହି ଚିକିତ୍ସିତ ହେଉଥିଲେ । ଗତକାଲି ସନ୍ଧ୍ୟାରେ ଫିଲିମିନାଙ୍କ ମୃତ୍ୟୁ ହୋଇଥିବା ବେଳେ ପରିବା ଲୋକେ କିରାମା ଗ୍ରାମକୁ ମୃତଦେହ ନେବା ଲାଗି ପ୍ରସ୍ତୁତ ହୋଇଥିଲେ । ହେଲେ ମୃତଦେହ ନେବା ପାଇଁ କୌଣସି ଗାଡ଼ି ରାଜି ହୋଇନଥିଲେ । ଗୋଟିଏ ପଟେ ମୃତଦେହ ନେବାକୁ ମହାପ୍ରୟାଣ ଗାଡ଼ିର ସୁବିଧା ନଥିବା ବେଳେ ଅନ୍ୟପଟେ ରାତିରେ ମୃତଦେହକୁ ନେବା ଲାଗି ଅଟୋ ଚାଳକ ରାଜି ହେଲେ ନାହିଁ । ଫଳରେ ପରିବାରବର୍ଗ ବାଧ୍ୟ ହୋଇ ବୃଦ୍ଧାଙ୍କ ମୃତଦେହକୁ ୩ କିଲୋମିଟର ଦୋଳିରେ ବୋହି ନେଇଥିଲେ ।
