ଭୁବନେଶ୍ୱର: ଲିଙ୍ଗରାଜ ମହାପ୍ରଭୁଙ୍କ ନୀତିରେ ବିଭ୍ରାଟ । ପଇତା ଲାଗି ଚତୁର୍ଦ୍ଦଶୀରେ ହୋଇପାରିଲାନି ନୀତି । ପୂଜାପଣ୍ଡା ସେବାୟତ ଓ ବଡୁ ସେବାୟତଙ୍କ ମଧ୍ୟରେ ମତଭେଦ କାରଣରୁ ଏଭଳି ବିଭ୍ରାଟ ଘଟିଥିବା କୁହାଯାଇଛି । ନୀତି ବନ୍ଦ ହେବାପରେ ଲିଙ୍ଗରାଜ ମନ୍ଦିର କାର୍ଯ୍ୟାଳୟରେ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ବୈଠକରେ ମନ୍ଦିର ପରିଚାଳନା କମିଟି ସମେତ ବ୍ରାହ୍ମଣ ନିଯୋଗ, ବଡୁ ନିଯୋଗ, ପୁଜାପଣ୍ଡା ସାମିଲ ହୋଇଥିଲେ ।
ତେବେ ଦେଢ଼ ଘଣ୍ଟା ଧରି ଆଲୋଚନା ହୋଇଥିଲେ ସୁଦ୍ଧା ଏନେଇ କୌଣସି ନିଷ୍କର୍ସ ବାହାରିପାରି ନାହିଁ । ଏନେଇ ଦେବୋତ୍ତର କମିଶନ ନିଷ୍ପତ୍ତି ନେବେ ବୋଲି କୁହାଯାଇଛି । ତେବେ ଯେଉଁ ପର୍ଯ୍ୟନ୍ତ ନିଷ୍ପତ୍ତି ନହୋଇଛି ସେଯାଏଁ ପ୍ରଭୁଙ୍କ ଅନ୍ୟାନ୍ୟ ନୀତିକାନ୍ତି କରିବାକୁ ପରାମର୍ଶ ଦିଆଯାଇଛି । ଏହି ଘଟଣା ଦେବୋତ୍ତର କମିଶନଙ୍କୁ ଜଣାଇ ଦିଆଯାଇଛି ।
