ମମତାଙ୍କ କ୍ୟାବିନେଟରେ ବଡ଼ ଧରଣର ପରିବର୍ତ୍ତନ, ମନ୍ତ୍ରୀପଦ ପାଇଲେ ବାବୁଲ ସୁପ୍ରିଓ

କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କ୍ୟାବିନେଟରେ ବଡ଼ ଧରଣର ପରିବର୍ତ୍ତନ । ମନ୍ତ୍ରିମଣ୍ଡଳରେ ସାମିଲ ହେଲେ ୯ ମନ୍ତ୍ରୀ । ନବଗଠିତ ମନ୍ତ୍ରିମଣ୍ଡଳରେ ସାମିଲ ହୋଇଛନ୍ତି ୫ କ୍ୟାବିନେଟ, ୨ ରାଷ୍ଟ୍ରମନ୍ତ୍ରୀ ସ୍ୱାଧୀନ, ୨ ରାଷ୍ଟ୍ରମନ୍ତ୍ରୀ । ମମତାଙ୍କ ମନ୍ତ୍ରିମଣ୍ଡଳରେ ୫ ଜଣ ନୂଆ ଚେହେରାଙ୍କୁ କ୍ୟାବିନେଟ ପଦ ମିଳିଛି। ଏମାନଙ୍କ ମଧ୍ୟରେ ରହିଛନ୍ତି ବାବୁଲ ସୁପ୍ରିଓ।

ବରିଷ୍ଠ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ ବହିଷ୍କାର ପରେ ଅଦଳବଦଳ ନେଇ ହୋଇଥିଲା ଚର୍ଚ୍ଚା । କିଛିଦିନ ତଳେ ପାର୍ଥ ଚାଟାର୍ଜୀଙ୍କୁ ମନିଲଣ୍ଡରିଂ ମାମଲାରେ ଇଡି ଗିରଫ କରିଛି। ଏହି ଘଟଣା ପରେ ହିଁ ଆଜି ନୂଆ ମନ୍ତ୍ରୀମାନେ ଶପଥ ନେଇଛନ୍ତି। ବାବୁଲ ସୁପ୍ରିଓଙ୍କ ବ୍ୟତୀତ ଯେଉଁ ମନ୍ତ୍ରୀମାନଙ୍କୁ ସାମିଲ କରାଯାଇଛି ସେମାନେ ହେଲେ,  ସ୍ନେହାଶିଷ ଚକ୍ରବର୍ତ୍ତୀ, ପାର୍ଥ ଭୌମିକ, ଉଦୟନ ଗୁହା, ପ୍ରଦୀବ ମଜୁମଦାର, ବିପ୍ଲବ ରାୟ ଚୌଧୁରୀ, ବିରବାହ ହାସଦା, ତାମମୁଲ ହୋସେନ, ସତ୍ୟଜିତ ବର୍ମନ ।