ବୋହୂ କରିଥିଲା ଋଣ, ଶାଶୂ ଭୋଗିଲା ଦଣ୍ଡ

1 min read

କେନ୍ଦ୍ରାପଡ଼ା: ବୋହୂ କରିଥିଲା ଋଣ, ଶାଶୂ ଭୋଗିଲା ଦଣ୍ଡ । ବୋହୂ ଋଣ ସୁଝିଲାନି ବୋଲି ଶାଶୂକୁ ମାଡ଼ ସହିତ ଘରେ ତାଲା ପକାଇଦେଲେ ଏସଏଚଜି ସଦସ୍ୟା । କେନ୍ଦ୍ରାପଡ଼ା ଜିଲ୍ଲା ରାଜକନିକା ଥାନା ଅନ୍ତର୍ଗତ ଗଞ୍ଜା ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ଅଭିଯୋଗ ଅନୁସାରେ ବୋହୂ ପୂଜା ରାୟ ଗାଁର ଏକ ଏସଏଚଜିରୁ ଋଣ ନେଇଥିଲେ । ମାତ୍ର ଠିକ ସମୟରେ କିସ୍ତି ଦେଇପାରିନଥିଲେ । ବାରମ୍ବାର ତାଙ୍କୁ ତାଗିଦ ପରେ ବି ସେ ଋଣ ପରିଶୋଧ କରିପାରିନଥିଲେ । ପରେ ତାଙ୍କ ସ୍ବାମୀଙ୍କର ଦେହ ଅସୁସ୍ଥ ତାଙ୍କୁ ଡାକ୍ତରଖାନା ନେଇ ଯାଇଥିଲେ ପୂଜା ।

ଏହି ସମୟରେ ଟଙ୍କା ପାଇଁ ତାଙ୍କ ଘରେ ପହଞ୍ଚିଥିଲେ ଏସଏଚଜି ସଦସ୍ୟା । ପୂଜାଙ୍କର ଅନୁପସ୍ଥିତିରେ ଉତ୍ୟକ୍ତ ହୋଇ ପଡ଼ିଥିଲେ ଏସଏଚଜିର ସଭାପତି ଗାୟତ୍ରୀ ମହଲା । ରାଗରେ ଘରେ ଥିବା ୮୦ବର୍ଷୀୟ ଶାଶୂ ସରସ୍ବତୀଙ୍କୁ ମାଡ଼ ମାରିଥିଲେ ଗାୟତ୍ରୀ । ପରେ ତାଙ୍କୁ ଘରେ ତାଲା ପକାଇ ଦେଇଥିଲେ । ସୂଚନା ପାଇ ଘଟଣାସ୍ଥଳରେ ପୋଲିସ ପହଞ୍ଚି ବୃଦ୍ଧାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରି ତଦନ୍ତ ଜାରି ରଖିଛି ।

[DISPLAY_ULTIMATE_SOCIAL_ICONS]