ବିବାହ ପାଇଁ ରାଜି ନହେବାରୁ ବିଷ ପିଇଲେ ପ୍ରେମୀ ଯୁଗଳ

ବାଲେଶ୍ୱର: ବିବାହ ପାଇଁ ପରିବାର ଲୋକ ରାଜି ନହେବାରୁ ବିଷ ପିଇଲେ ପ୍ରେମୀ ଯୁଗଳ । ଗୁରୁତର ଅବସ୍ଥାରେ ଦୁହିଙ୍କୁ କଟକ ଏସସିବି ମେଡିକାଲ ସ୍ଥାନାନ୍ତର । ବାଲେଶ୍ବର ଜିଲ୍ଲା ସୋର ଅଞ୍ଚଳରେ ଦେଖିବାକୁ ମିଳିଛି ଅଭାବନୀୟ ଘଟଣା । ମୁଳିସିଂ ଅଞ୍ଚଳର ଜଣେ ଯୁବକ ସେହି ଅଞ୍ଚଳର ଜଣେ ଯୁବତୀଙ୍କୁ ଭଲ ପାଇ ବସିଥିଲେ । ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ।

ପରେ ବିବାହ ପାଇଁ ଉଭୟେ ପରିବାର ଲୋକଙ୍କୁ ଜଣାଇଥିଲେ । ତେବେ ଘରଲୋକେ ରାଜି ନହେବାରୁ ପ୍ରଥମେ ଝିଅଟି ବିଷ ପିଇ ଗୁରୁତର ହୋଇ କଟକ ସ୍ଥାନାନ୍ତର ହୋଇଥିଲେ । ପରେ ଯୁବକ ମଧ୍ୟ ବିଷ ପିଇ ଦେଇଥିଲେ । ପରିବାର ଲୋକେ ଉଭୟଙ୍କୁ ମେଡିକାଲରେ ଭର୍ତ୍ତି କରିଥିବାବେଳେ ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି ।