ବିଜେଡି ପ୍ରତି ବଢୁଛି ବିଶ୍ୱାସ, ପ୍ରଣବଙ୍କ ଉପସ୍ଥିତିରେ ଦଳରେ ମିଶିଲେ ତୁଙ୍ଗ ଯୁବ ନେତା

1 min read

ଯାଜପୁର: ବିଜେଡି ପ୍ରତି ବଢୁଛି ବିଶ୍ୱାସ । ଆହୁରି ସଶକ୍ତ ହେଉଛି ଯାଜପୁର ବିଜେଡି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ବିଜେଡି ନେତାଙ୍କ ନିମର୍ଳ ଭାବମୂର୍ତ୍ତି ଉପରେ ଭରସା କରି ଦଳରେ ସାମିଲ ହେଉଛନ୍ତି ଅନ୍ୟ ଦଳର ଅନେକ ନେତା ଓ କର୍ମୀ । ଏନେଇ ଆଜି ଯାଜପୁର ବ୍ଲକ ଭୁବନେଶ୍ବରପୁର ପଞ୍ଚାୟତରେ ଅନୁଷ୍ଠିତ ହୋଇଯାଇଛି ମିଶ୍ରଣ ପର୍ବ ।

ଯାଜପୁର ବିଧାୟକ ତଥା ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଛନ୍ତି ୫୦ରୁ ଅଧିକ କଂଗ୍ରେସର ଆଗ ଧାଡ଼ିର ନେତା ଓ ଯୁବ ଗୋଷ୍ଠି ସଦସ୍ୟ । ତେବେ ଏହି କାର୍ଯ୍ୟକ୍ରମ ଅବସରରେ ପଞ୍ଚାୟତ ବାସୀ ବିଧାୟକଙ୍କୁ ଏକ ରୋଡ଼ ଶୋ ମାଧ୍ୟମରେ ଶଙ୍ଖ ହୁଳହୁଳି ପକାଇ ସଭାସ୍ଥଳକୁ ପାଛୋଟି ନେଇଥିଲେ ।

ପଞ୍ଚାୟତର ଆହୁରି କିପରି ଉନ୍ନତି ହେବ ଏବଂ ମହିଳା ମାନେ କିପରି ନିଜେ ସ୍ୱାବଲମ୍ବୀ ହୋଇପାରିବେ ସେନେଇ ବିଧାୟକ ଉଦବୋଧନ ଦେଇଥିଲେ । ମିଶ୍ରଣ ପର୍ବରେ ଯାଜପୁର ପୂର୍ବତନ ପୌରାଧକ୍ଷ ଭବପ୍ରସାଦ ଦାସ,ସ୍ଥାନୀୟ ସରପଞ୍ଚ ମାନସ ରଞ୍ଜନ ରାୟ,ଯାଜପୁର ବ୍ଲକ ସଭାପତି ପରେସ ବିଶ୍ୱାଳ ,ଉପ ସଭାପତି ପ୍ରକାଶ ତ୍ରିପାଠୀ, ବ୍ଲକ ଅଧ୍ୟକ୍ଷ ଉପସ୍ଥିତ ରହିଥିଲେ ।

Opn Commnet Area

Leave a Reply

Your email address will not be published. Required fields are marked *