ପ୍ରଥମ ଇଂନିସ ଶେଷ, ଭାରତର ସ୍କୋର ୪୧୬

ବର୍ମିଂହମ: ଏଜବାଷ୍ଟନ ଠାରେ ଖେଳାଯାଉଥିବା ପଞ୍ଚମ ଟେଷ୍ଟ ମ୍ୟାଚର ପ୍ରଥମ ଇଂନିଷ ଶେଷ ହୋଇଛି । ଭାରତ ଏବଂ ଇଂଲଣ୍ଡ ମଧ୍ୟରେ ଏହି ମ୍ୟାଚ ଚାଲିଛି  । ପ୍ରଥମେ ବ୍ୟାଟିଂ କରି ଭାରତୀୟ ଦଳ ସମସ୍ତ ୱିକେଟ ହରାଇ ୪୧୬ ରନ୍ ସଂଗୃହିତ କରିଛି । ଗତକାଲି ଇଂନିସ ଆରମ୍ଭ ବେଳେ ଭାରତୀୟ ଦଳକୁ ବ୍ୟାଟିଂ ବିପର୍ଯ୍ୟର ସାମ୍ନା କରିବାକୁ ପଡିଥିଲା  । ମାତ୍ର ୯୮ ରନରେ ଭାରତ ୫ୱିକେଟ୍ ହରାଇଥିଲା  । ସମସ୍ତେ ଭାବିଥିଲେ ଭାରତ ୨୦୦ ରନ୍ ଭିତରେ ସୀମିତ ରହିବ  । ହେଲେ ଋଷଭ ପନ୍ଥଙ୍କ ଲଢୁଆ ଶତକ ଏବଂ ଜାଡେଜାଙ୍କ ଶତକ ବଳରେ ଭାରତୀୟ ସ୍କୋର ୪୧୬ରେ ପହଞ୍ଚିଛି  । ଇଂଲଣ୍ଡ ପକ୍ଷରୁ ଜେମ୍ସ ଆଣ୍ଡରସନ ସର୍ବାଧିକ ୫ଟି ୱିକେଟ ନେଇଥିଲେ  ।