ପୋଖରୀରେ ବୁଡ଼ି ଭାଇ ଭଉଣୀଙ୍କ ସଲିଳ ସମାଧି

କୋରାପୁଟ: କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ପିପଲପଦର ଗ୍ରାମରେ ଅଭାବନୀୟ ଘଟଣା । ପୋଖରୀରେ ବୁଡ଼ି ଭାଇ ଭଉଣୀଙ୍କ ସଲିଳ ସମାଧି । ଦୁଇ ଭାଇ ଓ ଜଣେ ଭଉଣୀ ପୋଖରୀରେ ପଡ଼ି ଏପରି ଘଟିଛି । ତେବେ ଜଣେ ଭାଇ ଓ ଭଉଣୀଙ୍କ ମୃ୍ତ୍ୟୁ ଘଟିଥିବା ବେଳେ ଅନ୍ୟ ଜଣେ ଭାଇ ଅଳ୍ପକେ ବଞ୍ଚିଯାଇଛନ୍ତି । ଅଳ୍ପକେ ବର୍ତ୍ତିଥିବା ଭାଇର ଚିକିତ୍ସା ଚାଲିଛି ।

ବାପା ମାଆ ଚାଷ ଜମିରେ କାମ କରୁଥିବା ସମୟରେ ଏହି ଘଟଣା ଘଟିଛି । ମୃତକ ହେଲେ ୭ ବର୍ଷୀୟା ସନ୍ଧ୍ୟା ନାଚିକା, ୮ ବର୍ଷୀୟ ଜିତୁ ନାଚିକା  । ଘଟଣା ସ୍ଥଳରେ ଲକ୍ଷ୍ମୀପୁର ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି । ତେବେ କେଉଁ ପରିସ୍ଥିତିରେ ଏବଂ କାହିଁକି ସେମାନେ ପୋଖରୀକୁ ଯାଇଥିଲେ ଯାହାଫଳରେ ଏପରି ଅଭାବନୀୟ ଘଟଣା ଘଟିଲା ।