ଜୁନ ୩ ତାରିଖରେ ଦ୍ୱିତୀୟ ପର୍ଯ୍ୟାୟରେ ସ୍ମାର୍ଟ ସ୍କୁଲ ଉଦଘାଟନ କରିବେ CM

1 min read
CM Naveen Patnaik Advised Newly Elected Panchayat Leaders To Focus On Development Work

ଭୁବନେଶ୍ୱର: ଜୁନ ୩ ତାରିଖରେ ଦ୍ୱିତୀୟ ପର୍ଯ୍ୟାୟରେ ସ୍ମାର୍ଟ ସ୍କୁଲ ଉଦଘାଟନ କରିବେ ମୁଖ୍ୟମନ୍ତ୍ରୀ । ଆଜି ସାନଖେମୁଣ୍ଡି ବ୍ଳକ ଗସ୍ତ କରି ବିଦ୍ୟାଳୟର ଉନ୍ନତିକରଣ ଓ ଉନ୍ନୟନମୂଳକ କାର୍ଯ୍ୟର ତଦାରଖ କରିଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ସାନଖେମୁଣ୍ଡି ବ୍ଲକର ୨୬ ଟି ପଞ୍ଚାୟତରୁ ୨୦ ଟି ପଞ୍ଚାୟତ ଗସ୍ତ କରି ସ୍କୁଲଗୁଡିକର ଅନୁଧ୍ୟାନ କରିଛନ୍ତି । ପାଟପୁର ବାଳିକା ଉଚ୍ଚ ବିଦ୍ୟାଳୟ, ପାଟପୁର ବାଳକ ଉଚ୍ଚ ବିଦ୍ୟାଳୟ, ଏରେଣ୍ଡ୍ରା ଉଚ୍ଚ ବିଦ୍ୟାଳୟ, ଖଲିଙ୍ଗି ଉଚ୍ଚ ବିଦ୍ୟାଳୟ, ଆଡପଡା ଉଚ୍ଚ ବିଦ୍ୟାଳୟ, ଗମ୍ଭାରୀଗୁଡା ଉଚ୍ଚ ବିଦ୍ୟାଳୟ, କଙ୍କୋରଡା ଉଚ୍ଚ ବିଦ୍ୟାଳୟ, ଡେଙ୍ଗାଡ଼ି ଉଚ୍ଚ ବିଦ୍ୟାଳୟ ରହିଛି  ।

ସେହିପରି ଏସ. ଗୋପାଳପୁର ଉଚ୍ଚ ବିଦ୍ୟାଳୟ, ସିଙ୍ଗିପୁର ଉଚ୍ଚ ବିଦ୍ୟାଳୟ, ସିନ୍ଦୁରପୁର ଉଚ୍ଚ ବିଦ୍ୟାଳୟ ସାହସପୁର ଉଚ୍ଚ ବିଦ୍ୟାଳୟ ଏବଂ ଚୁଡଙ୍ଗପୁର ଉଚ୍ଚ ବିଦ୍ୟାଳୟ ପରିଦର୍ଶନ କରି ଅନୁଧ୍ୟାନ କରିଛନ୍ତି ଜିଲ୍ଲାପାଳ । ୧ ତାରିଖ ସୁଦ୍ଧା ବିଦ୍ୟାଳୟ ଗୁଡିକର ସମସ୍ତ କାର୍ଯ୍ୟ ସାରିବା ପାଇଁ ନିର୍ଦ୍ଦେଶ ଦେବା ସହ ବିଦ୍ୟାଳୟ କର୍ତ୍ତୃପକ୍ଷଙ୍କ ସହ ଆଲୋଚନା କରି ଆଧୁନିକ ପ୍ରଣାଳୀରେ ଶିକ୍ଷାଦାନ କରିବାକୁ ପରାମର୍ଶ ଦେଇଥିଲେ । ଜିଲ୍ଲାପାଳଙ୍କ ସହ ସାନଖେମୁଣ୍ଡି ବିଡ଼ିଓ, ସାନଖେମୁଣ୍ଡି ଭାରପ୍ରାପ୍ତ ଗୋଷ୍ଠୀ ଶିକ୍ଷାଧିକାରୀଙ୍କ ସମେତ ବ୍ଲକ କର୍ମଚାରୀ ଓ ବହୁ ଜନ ପ୍ରତିନିଧି ଉପସ୍ଥିତ ଥିଲେ ।

[DISPLAY_ULTIMATE_SOCIAL_ICONS]