ଗଛରେ ପିଟି ହୋଇ ବିଲକୁ ଖସିପଡ଼ିଲା କାର, ଦୁର୍ଘଟଣାରେ ଜଣେ ମୃତ ୨ ଗୁରୁତର

1 min read

ନୟାଗଡ଼: ମର୍ମନ୍ତୁଦ ସଡ଼କ ଦୁର୍ଘଟଣା। ଗଛରେ ପିଟି ହୋଇ ବିଲକୁ ଖସି ପଡ଼ିଲା କାର। ଦଶପଲ୍ଲା ଭୋଗରା ଛକ ନିକଟରେ ଭାରସାମ୍ୟ ହରାଇ ଗଛରେ ପିଟିହୋଇ ବିଲକୁ ଖସିପଡିଲା କାର। ଦୁର୍ଘଟଣାରେ ଜଣେ ମୃତ ଦୁଇ ଗୁରୁତର ଆହତ ହୋଇଛନ୍ତି। ଗୁରୁତରଙ୍କୁ  ଦଶପଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତ ଓ ଗୁରୁତର ଫୁଲବାଣୀ ଅଞ୍ଚଳର ହୋଇଥିବା ସୂଚନା ମିଳିଛି।

ତିନି ଜଣ ଯୁବକ ଏକ କାର ଯୋଗେ ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥ ଦେଇ ଫୁଲବାଣୀରୁ ଭୂବନେଶ୍ୱର ଅଭିମୂଖେ ଯାଉଥିବା ବେଳେ ଭୋଗରା ଛକ ନିକଟରେ ଭାରସାମ୍ୟ ହରାଇ କାରଟି ପ୍ରଥମେ ରାସ୍ତା କଡ଼ରେ ଥିବା ପିଲର ଖୁଣ୍ଟରେ ଧକ୍କା ହୋଇ ପରେ ଗଛରେ ପିଟି ହୋଇଥିଲା। ପିଟି ହୋଇ ବିଲ ମଧ୍ୟକୁ ଖସି ପଡିଥିଲା କାର। ଖବର ପାଇ ଦଶପଲ୍ଲା ଦମକଳ ବାହିନୀ ଓ ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରିଛି।

Opn Commnet Area

Leave a Reply

Your email address will not be published. Required fields are marked *

ନଜର ପକାନ୍ତୁ

Close Bitnami banner