ଦିଲ୍ଲୀ ପରେ ଝାଡ଼ଖଣ୍ଡରେ ଲାଗୁ ହେଲା ଲକଡାଉନ୍

ରାଞ୍ଚି: ରାଷ୍ଟ୍ରୀୟ ରାଜଧାନୀ ଦିଲ୍ଲୀ ପରେ ଲକଡାଉନ୍ ନିଷ୍ପତ୍ତି ନେଇଛନ୍ତି ଝାଡ଼ଖଣ୍ଡ ସରକାର । କରୋନା ସଂକ୍ରମଣ ରୋକିବା ପାଇଁ ଝାଡ଼ଖଣ୍ଡ ୨୨ରୁ ୨୯ ଏପ୍ରିଲ୍ ଯାଏ ଲକଡାଉନ୍ କଟକଣା ବଳବତ୍ତର ରହିବ । ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି ଝାଡ଼ଖଣ୍ଡ ‘ସ୍ୱାସ୍ଥ୍ୟ ସୁରକ୍ଷା ସପ୍ତାହ’ ନାମରେ ୨୨ ଏପ୍ରିଲରୁ ଗୋଟିଏ ସପ୍ତାହ ପାଇଁ ଲକଡାଉନ୍ ଲାଗୁ ହେବ ।

Jharkhand government announces lockdown from April 22-29 with few exemptions. Essential services allowed, religious places to remain open but the gathering of devotees not allowed. Mining, agricultural & construction activities permitted

— ANI (@ANI) April 20, 2021

ଲକଡାଉନ୍ ସମୟରେ ସମସ୍ତ ଅତ୍ୟାବଶ୍ୟକୀୟ ସେବା ଜାରି ରହିବ । ଏଥିସହ ଧାର୍ମିକ ସ୍ଥଳ ଖୋଲା ରଖିବାକୁ ଅନୁମତି ଦିଆଯାଇଥିବା ବେଳେ ଶ୍ରଦ୍ଧାଳୁଙ୍କୁ ବାରଣ କରାଯାଇଛି । ଖଣି, ଚାଷ ଓ ନିର୍ମାଣାଧୀନ କାମ ଲକଡାଉନ୍ ସମୟରେ ଜାରି ରହିବ ।

ବିଗତ ୨୪ ଘଣ୍ଟାରେ କରୋନା ଭାଇରସ୍ ସଂକ୍ରମଣରେ ୫୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ୩ ହଜାର ୯୯୨ଟି ସଂକ୍ରମଣ ମାମଲା ଚିହ୍ନଟ ହୋଇଛି ।