ଦିଲ୍ଲୀ ବ୍ଲାଷ୍ଟକୁ ନେଇ ବଡ଼ ଖୁଲାସା: ତୁର୍କିରେ ଜୈଶ ହ୍ୟାଣ୍ଡଲରଙ୍କୁ ଭେଟିଥିଲେ ମୁଜମ୍ମିଲ ଓ ଉମର
ନନ୍ଦିଘୋଷ ବ୍ୟୁରୋ: ଦିଲ୍ଲୀ ବିସ୍ଫୋରଣର ସନ୍ଧିଗ୍ଧ ଉମର ମୋହମ୍ମଦ ଓ ମୁଜମ୍ମିଲ ଶକିଲକୁ ନେଇ ବଡ଼ ଅପଡେଟ୍ ସମ୍ମାନକୁ ଆସିଛି । ଦିଲ୍ଲୀ ବ୍ଲାଷ୍ଟ ପୂର୍ବରୁ ଉମୟ ତୁର୍କି ଯାଇଥିଲେ । ସେଠାରେ ସେମାନେ ଜୈଶ ଏ ମୋହମ୍ମଦର ହ୍ୟାଣ୍ଡଲରକୁ ଭେଟିଥିବାର କୁହାଯାଉଛି । ଗୁଇନ୍ଦା ସଂସ୍ଥା ଉଭୟଙ୍କ ତୁର୍କି ଯାତ୍ରାକୁ ନେଇ ଅଧିକରୁ ଅଧିକ ତଥ୍ୟ ଜୋଟାଇବାରେ ଲାଗିଛି ।
ତଥ୍ୟ ଅନୁସାରେ, ଉଭୟଙ୍କ ପାସେପାର୍ଟରେ ତୁର୍କି ଷ୍ଟାମ୍ପ ଲାଗିଥିବା ଦେଖିବାକୁ ମିଳିଛି । ଏମିତିରେ କୁହାଯାଉଛି, ଗ୍ରୁପ୍ ବନାଇବା ପୂର୍ବରୁ ଉଭୟ ତୁର୍କି ଯାତ୍ରା କରିଥିଲେ । ଯେଉଁଠି ସେମାନେ ଜୈଶ ହ୍ୟାଣ୍ଡଲରକୁ ଭେଟି ପ୍ଲାନକୁ ଆଗକୁ ବଢ଼ାଇଥିଲେ ।
ତୁର୍କି ଜୈଶ ହ୍ୟାଣ୍ଡଲରଙ୍କ ପାଇଁ ସ୍ବର୍ଗ
ପାକିସ୍ତାନର ଅଧିକ ନକଟତର କୌଣସି ଦେଶ ଯଦି ଥାଏ, ତେବେ ସେ ହେଉଛି ତୁର୍କି । ଅପରେସନ ସିନ୍ଦୂର ସମୟରେ ତୁର୍କି ଖୋଲାଖୋଲି ଭାବେ ପାକିସ୍ତାନ ସମର୍ଥନରେ ବାହାରିଥିଲା । ଭାରତ ବିରୋଧରେ ଲଢ଼େଇ ପାଇଁ ତୁର୍କି ପାକିସ୍ତାନକୁ ଡ୍ରୋନ ଓ ଅସ୍ତ୍ରଶସ୍ତ୍ର ଦେଇଥିଲା । ଏହି କାରଣରୁ ତୁର୍କି ଜୈଶ ହ୍ୟାଣ୍ଡଲରଙ୍କ ପାଇଁ ସବୁଠାରୁ ସୁରକ୍ଷିତ ସ୍ଥାନ ପାଲଟିଛି । କାରଣ ଏଠିକାର ସରକାର ପାକିସ୍ତାନର ଏହି ପାଳତୁ ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା କଥା ଛାଡନ୍ତୁ, ଏମାନଙ୍କୁ ପାଖରେ ରଖି ଜ୍ମାଇଁ ପୁଅ ଭଳି ସୁବିଧା ଯୋଗାଉଛି ।
ଦିଲ୍ଲୀ ବ୍ଲାଷ୍ଟ ସହ ଜୈଶ ଲିଙ୍କ୍
ଦିଲ୍ଲୀ ବ୍ଲାଷ୍ଟର ଯାଞ୍ଚ ଏନଆଇଏ କରୁଛି । ଏହି ମାମଲାରେ ସନ୍ଧିଗ୍ଧଙ୍କ ଉପରେ ନଜର ରଖାଯାଇଛି । ଫରିଦାବାଦରୁ ଡକ୍ତର ମୁଜମ୍ମିଲ ଶକିଲ ଏବଂ ଲକ୍ଷ୍ନୌରୁ ମହିଳା ଡକ୍ତର ଶାହିନା ଶାହିଦଙ୍କୁ ଗିରଫ କରାଯାଇଛି । ଶାହିନା ଜୈଶର ମହିଳା ବ୍ରିଗେଡ ପାଇଁ କାମ କରୁଥିବା କୁହାଯାଉଛି । ନିକଟ ଅତୀତରେ ଜୈଶ ମୁଖ୍ୟ ମସୁଦ ଅଜହର ନିଜ ଭଉଣୀକୁ ମହିଳା ବ୍ରିଗେଡ ଦାୟିତ୍ବ ଦେଇଥିଲା । ତେବେ ଦିଲ୍ଲୀ ବ୍ଲାଷ୍ଟରେ ଜୈଶର ସମ୍ପୃକ୍ତି ନେଇ ବର୍ତ୍ତମାନ ପର୍ଯ୍ୟନ୍ତ ଭାରତର କୌଣସି ଯାଞ୍ଚ ଏଜେନ୍ସି ସ୍ପଷ୍ଟ କରିନାହାନ୍ତି ।
କେମିତି ରାଡାରକୁ ଆସିଲେ ଏହି ଗ୍ୟାଙ୍ଗ ?
ଜମ୍ମୁ ଓ କାଶ୍ମୀର ପୋଲିସ କିଛି ଦିନ ପୂର୍ବେ ସହାରନପୁରରୁ ମୋହମ୍ମଦ ଆଦିଲ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଥିଲା । ପଚରାଉଚରା ବେଳେ ଆଦିଲ ପାଖରୁ ମିଳିଥିବା ସୂଚନାକୁ ଆଧାର କରି ଶକିଲ ଠକଣାରେ ଚଢ଼ାଉ କରାଯାଇଥିଲା । ଏବେ ତଦନ୍ତକାରୀ ସଂସ୍ଥା ଆଦିଲ, ଶକିଲ, ଶାହିନ ଓ ପରଓ୍ବେଜକୁ ନେଇ ଥିବା ନେଟଓ୍ବର୍କକୁ ଯାଞ୍ଚ କରୁଛି । କୁହାଯାଉଛି ହ୍ବାଇଟ୍ କିଲର ମଡ୍ୟୁଲ ଶିକ୍ଷିତ ଡକ୍ତରଙ୍କ ଜରିଆରେ କାମ କରୁଥିଲା । ଏମାନେ ନିଯୁକ୍ତି ଓ ଫଣ୍ଡିଂ କାମ କରୁଥିଲେ ।
