ଅଭିନେତା ଅନୁଭବଙ୍କ ସହ ମାଆ ଓ ବାପାଙ୍କୁ ହାଜର ପାଇଁ ମହିଳା କମିଶନଙ୍କ ନୋଟିସ୍

ଭୁବନେଶ୍ୱର: ଗମ୍ଭୀର ହେବାରେ ଲାଗିଛି ବର୍ଷା-ଅନୁଭବ ବିବାଦ । ଅଭିନେତା ଅନୁଭବ ମହାନ୍ତିଙ୍କୁ ମହିଳା କମିଶନଙ୍କ ପକ୍ଷରୁ ନୋଟିସ୍ ଜାରି ହୋଇଛି । ଆସନ୍ତା ୨୯ ତାରିଖରେ ହାଜର ହେବାକୁ ନୋଟିସ୍ ଜାରି କରିଛନ୍ତି ମହିଳା କମିଶନ । ଅନୁଭବଙ୍କ ସହ ତାଙ୍କ ମାଆ ଓ ବାପାଙ୍କୁ ବି ହାଜର ପାଇଁ ନୋଟିସ୍ ପଠାଇଥିବା ମହିଳା କମିଶନ ଅଧ୍ୟକ୍ଷା ମିନତୀ ବେହେରା ସୂଚନା ଦେଇଛନ୍ତି ।

କିଛି ଦିନ ହେଲା ବର୍ଷା ଓ ଅନୁଭବଙ୍କ ମଧ୍ୟରେ ବିବାଦ ବଢ଼ି ଚାଲିଛି । ବର୍ଷା ଗତ ୧୫ ତାରିଖରେ ମହିଳା କମିଶନଙ୍କ ଦ୍ୱାରସ୍ଥ ହୋଇଥିଲେ । ଆଜି ଅନୁଭବ, ତାଙ୍କ ବାପା ଓ ମାଆଙ୍କୁ କମିଶନ ହାଜର ହେବାକୁ ନୋଟିସ୍ ଜାରି କରିଛନ୍ତି । ଅନ୍ୟପଟେ କଟକ ପୁରୀଘାଟ ଥାନାରେ ବର୍ଷାଙ୍କ ଅଭିଯୋଗ ଆଧାରରେ ଅନୁଭବଙ୍କ ନାଁରେ ମାମଲା ରୁଜୁ କରିଛି ପୋଲିସ ।