’ବିଫ୍ ବ୍ୟାନ୍’ ଲାଗି ଅକ୍ସଫୋର୍ଡ ୟୁନିଭର୍ସିଟିରେ ଉଠୁଛି ଦାବି; ଜାଣନ୍ତୁ କ’ଣ ରହିଛି ସମ୍ପୂର୍ଣ୍ଣ ଘଟଣା

ବ୍ରିଟେନ: ବ୍ରିଟେନର ଅକ୍ସଫୋର୍ଡ ୟୁନିଭର୍ସିଟିର ଛାତ୍ରଛାତ୍ରୀମାନେ କ୍ୟାଣ୍ଟିନରେ ଗୋମାଂସ ଏବଂ ବିଭିନ୍ନ ପ୍ରକାରର ଲାଲ ମାଂସ ଉପରେ ରୋକ୍ ଲଗାଇବା ପାଇଁ ଦାବି କରିଛନ୍ତି । ଯାହା ସପକ୍ଷରେ ୟୁନିଭର୍ସିଟିର ଦୁଇ ତୃତୀୟାଂଶ ଛାତ୍ରଛାତ୍ରୀ ଭୋଟ୍ ଦେଇଛନ୍ତି।

ଏଭଳି କଲେ ପର୍ଯ୍ୟାବରଣ ଉପରେ ଏହାର ଭଲ ପ୍ରଭାବ ପଡିବ ବୋଲି ସେମାନେ ଯୁକ୍ତି ବାଢିଛନ୍ତି। ଆସନ୍ତୁ ଜାଣିବା କ’ଣ ରହିଛି ସମ୍ପୂର୍ଣ୍ଣ ଘଟଣା ଏବଂ ଏହା ଦ୍ବାରା କିଭଳି ଗ୍ଲୋବାଲ୍ ଓ୍ବାର୍ମିଂକୁ କମ୍ କରାଯାଇପାରିବ ।
ବର୍ତ୍ତମାନ ସମୟରେ ବ୍ରିଟେନର ଅନେକାଂଶ କଲେଜରେ ଶାକାହାରୀ ଖାଦ୍ୟ ପଦାର୍ଥକୁ ଏକପ୍ରକାର ପ୍ରୋମୋଟ୍ କରାଯାଉଛି । ଏହି ପଦକ୍ଷେପ କଲେଜ ପ୍ରଶାସନ ନୁହେଁ ବରଂ ଛାତ୍ରଛାତ୍ରୀମାନେ ନିଜେ ନେଉଥିବା ସୂଚନା ମିଳିଛି।

ସେଭଳି କିଛି ବିଶ୍ବବିଦ୍ୟାଳୟ ମଧ୍ୟରେ ରହିଛି- ଲଣ୍ଡନ ୟୁନିଭର୍ସିଟି, କେମ୍ବ୍ରିଜ ୟୁନିଭର୍ସିଟି ଏବଂ ଗୋଲ୍ଡସ୍ମିଥ ୟୁନିଭର୍ସିଟି ଆଦି । ଯାହା ପରେ ଅକ୍ସଫୋର୍ଡ ୟୁନିଭର୍ସିଟିର ଷ୍ଟୁଡେଣ୍ଟ ୟୁନିଅନ୍ ଏଥିରେ ସାମିଲ ହୋଇଛି । ତେବେ ଛାତ୍ରଛାତ୍ରୀ ମାନଙ୍କ ଏଭଳି ଦାବି ସମ୍ପର୍କରେ କଲେଜ ପ୍ରଶାସନ ପକ୍ଷରୁ ମଧ୍ୟ କୌଣସି ନିଷ୍ପତ୍ତି ହୋଇନାହିଁ ।

ଛାତ୍ରଛାତ୍ରୀ ମାନଙ୍କ କହିବା ଅନୁଯାୟୀ ଗୋମାଂସ କିମ୍ବା ଲାଲ୍ ମାଂସ ଖାଇବା ଦ୍ବାରା ଜଳବାୟୁ ପରିବର୍ତ୍ତନ ଏବଂ ଗ୍ଲୋବାଲ୍ ଓ୍ବାର୍ମିଂକୁ ଅଧିକ ବୃଦ୍ଧି କରିଥାଏ । ବିଫ୍ ବ୍ୟାନ ନେଇ ବିଶ୍ୱବିଦ୍ୟାଳୟର 22 ହଜାରରୁ ଅଧିକ ଛାତ୍ରଛାତ୍ରୀ ସଂଗଠନ ଏହି ଦାବି କରିଛି।  ’ଡେଲି ମେଲ’ ଗଣମାଧ୍ୟମର ଖବର ଅନୁଯାୟୀ ଏହି ପ୍ରସ୍ତାବ ଷ୍ଟୁଡେଣ୍ଟ ୟୁନିଅନ୍ ବିଶ୍ୱବିଦ୍ୟାଳୟ ମ୍ୟାନେଜମେଣ୍ଟକୁ ପଠାଇଛି। ଏନେଇ ଚୂଡ଼ାନ୍ତ ନିଷ୍ପତ୍ତି ପରିଚାଳନା କମିଟି ଦ୍ବାରା ନିଆଯିବ ।

ଏହା ଜଳବାୟୁ ପରିବର୍ତ୍ତନକୁ କିପରି ରୋକିବ?

ପରିବେଶ ବିଶେଷଜ୍ଞମାନଙ୍କ ମତରେ ମାଂସ ଯୋଗାଣ ପାଇଁ ଅଧିକରୁ ଅଧିକ ଗୋରୁ ପାଳିବା ଏବଂ ଯାହା ଫଳରେ ସେମାନଙ୍କ ଠାରୁ ବହୁ ପରିମାଣର ଗ୍ରୀନ୍ ହାଉସ୍ ଗ୍ୟାସ୍ ବାହାରିଥାଏ । ଯେଉଁ ଗ୍ୟାସ୍ କି ସୂର୍ଯ୍ୟର ଉତ୍ତାପକୁ ଅବଶୋଷଣ କରିବା ସହ ପୃଥିବୀକୁ କ୍ରମାଗତ ଭାବେ ଗରମ କରିଥାଏ ।

ମିଥେନ ଗ୍ୟାସ ନିର୍ଗମନ ଏକ ପ୍ରମୁଖ ସମସ୍ୟା-
ଏକ ଆକଳନ ଅନୁଯାୟୀ ପୃଥିବୀର ମୋଟ ଗ୍ରୀନ୍ ହାଉସ୍ ଗ୍ୟାସର ୧୪ ପ୍ରତିଶତ ଗାଈ, ବଳଦ, ଷଣ୍ଢ ଏବଂ ମେଣ୍ଢା ଭଳି ଗୃହପାଳିତ ପଶୁମାନଙ୍କଠାରୁ ନିର୍ଗତ ହୁଏ। ଏହାବ୍ୟତୀତ ଗୋମାଂସ ଉତ୍ପାଦନ ପାଇଁ ବିଭିନ୍ନ ପର୍ଯ୍ୟାୟରେ ବହୁ ପରିମାଣର ଜଳ ମଧ୍ୟ ଆବଶ୍ୟକ ହୋଇଥାଏ ।|

ଏପରିକି ଗାଈ ପାଇଁ ଏକ ଟନ୍ ଚାରା ପ୍ରସ୍ତୁତ କରିବା ଲାଗି ହାରାହାରି ୧,୬୨,୫୯,୦୦୦ ଲିଟର ପାଣି ଆବଶ୍ୟକ ପଡିଥାଏ । ଏପରି ପରିସ୍ଥିତିରେ, ଆପଣ ଯଦି ଅଧା ପରିମାଣର ବି ମାଂସ ଖାଆନ୍ତି, ତାହେଲେ ଆପଣ ସମ ପରିମାଣର ଜଳ ମଧ୍ୟ ବ୍ୟବହାର କରୁଛନ୍ତି । ବିଫ୍ ବ୍ୟାନ ହେଲେ ଏକପ୍ରକାର ଜଳ ମଧ୍ୟ ନଷ୍ଟ ହେବନାହିଁ ।

ଶାକାହାରୀ ଖାଦ୍ୟରୁ ମଧ୍ୟ ସମାନ ପୋଷଣ ମିଳିଥାଏ । ଯୋଗାଏ |
ଜୀବଜନ୍ତୁ ମାନଙ୍କ ଠାରୁ ମିଳୁଥିବା ମାଂସ, ଅଣ୍ଡା ଏବଂ କ୍ଷୀର ପରି ଖାଦ୍ୟ ପଦାର୍ଥ ବିଶ୍ୱ ପ୍ରୋଟିନ୍ ଯୋଗାଣର ମାତ୍ର ୩୭ ପ୍ରତିଶତ ହୋଇଥାଏ । ଏହାର ଅର୍ଥ ବାକି ଅଂଶ ଶାକାହାରୀ ଖାଦ୍ୟ ଦ୍ୱାରା ପୂର୍ଣ୍ଣ ହୋଇଥାଏ । ୟୁଏସ୍ ଡାଏଟାରୀ ଗାଇଡଲାଇନ ଆଡଭାଇଜରି କମିଟିର ସଦସ୍ୟ ଲିଣ୍ଡା ୱାନ୍ ହର୍ନ କୁହନ୍ତି, ମାଂସାହାରୀ ଖାଦ୍ୟପଦାର୍ଥ ବଦଳରେ ଉଦ୍ଭିଦ ଜାତୀୟ ଖାଦ୍ୟପଦାର୍ଥ ଗ୍ରହଣ କରିବା ଉଚିତ୍। ମାଂସରୁ ଯେତିକି ପରିମାଣର ପ୍ରୋଟିନ୍ ମିଳେ ସମ ପରିମାଣର ପ୍ରୋଟିନ୍ ଶୁଖିଲା ଫଳ, ବାଦାମ, ଛେନା, ବିନ୍ସ ଏବଂ ମଟର ଆଦି ଜିନିଷରୁ ମଧ୍ୟ ମିଳିଥାଏ ।

ଫ୍ରେଣ୍ଡସ୍ ଅନ୍ ଆର୍ଥ ନାମକ ଏକ ସଂଗଠନ ଅନୁଯାୟୀ, ବିଶ୍ୱରେ 50 କୋଟି ଲୋକ ସଂପୂର୍ଣ୍ଣ ଶାକାହାରୀ ହୋଇଥିବା ବେଳେ ଏହି ସଂଖ୍ୟା ବଢିବାରେ ଲାଗିଛି ।