କାହିଁକି ବିଳମ୍ବ ଆସିବ ମୌସୁମୀ, କଣ ରହିବ ସାମୁଦ୍ରିକ ଝଡ଼ର ପ୍ରଭାବ ?

1 min read

ନୂଆଦିଲ୍ଲୀ: ମୌସୁମୀ ଆସିବା ପୂର୍ବରୁ କୌଣସି ବାତ୍ୟା ବା ମହାବାତ୍ୟା ହେଲେ କଣ ପ୍ରଭାବ ପଡ଼େ । ସାମୁଦ୍ରିକ ଝଡ଼ ପ୍ରଭାବରେ ମୌସୁମୀ ବିଳମ୍ବ ହୁଏ କି ? ଏହାର ଉତ୍ତର ରଖିଛନ୍ତି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର । ମୌସୁମୀ ଉପରେ ବାତ୍ୟାର ୨ ପ୍ରକାର ପ୍ରଭାବ ପଡ଼ିଥାଏ ।

‘ଅମ୍ଫାନ’ ପ୍ରଭାବରେ ମୌସୁମୀ, ଦକ୍ଷିଣ ଆଣ୍ଡାମାନ ସମୁଦ୍ର ତତସଂଲଗ୍ନ ଦକ୍ଷିଣ ବଙ୍ଗୋପସାଗର, ନିକୋବର ଦ୍ୱୀପପୁଞ୍ଜରେ ଆଗୁଆ ପହଞ୍ଚିଛି । କିନ୍ତୁ, ‘ଅମ୍ପାନ’ ପାଇଁ କେରଳରେ ମୌସୁମୀ ଟିକିଏ ଡେରିରେ ଆସିବ । ଜୁନ୍ ୧ ପରିବର୍ତ୍ତେ ୪ ଦିନ ବିଳମ୍ବ ଅର୍ଥାତ୍ ଜୁନ୍ ୫ ତାରିଖରେ କେରଳ ଛୁଇଁବ ମୌସୁମୀ ।

ଏହାର ପ୍ରମୁଖ କାରଣ ସାମୁଦ୍ରିକ ଝଡ଼ ‘ଅମ୍ଫାନ୍’। ଏହା ପରିବେଶ ଉପରେ ପ୍ରଭାବ ପକାଏ । ବାତ୍ୟା ଯିବାର ୪ରୁ ୫ ଦିନ ପରେ ପରିବେଶ ଠିକ୍ ହୋଇଯିବା ପରେ ମୌସୁମୀ ଆସିବ ।

ଅମ୍ଫାନ ଏବେ କେଉଁଠି?

‘ଅମ୍ଫାନ’ ଏବେ ଦକ୍ଷିଣରେ ପାରାଦୀପଠାରୁ ୩୬୦ କିମି ଦୂରରେ ଥିବାବେଳେ ଦୀଘା ଠାରୁ ଦକ୍ଷିଣ ଦକ୍ଷିଣ-ପଶ୍ଚିମରେ ୫୧୦ କିମି ଦୂରରେ ଅଛି । ବାଂଲାଦେଶର ଖେପୁରିଆ ଠାରୁ ଦକ୍ଷିଣ ଦକ୍ଷିଣ-ପଶ୍ଚିମ ଦିଗରେ ୬୫୦ କିମି ଦୂରରେ ରହିଛି ‘ଅମ୍ଫାନ’ ।

Leave a Reply