ଜଗନ୍ନାଥ ମନ୍ଦିର ସାମ୍ନାରୁ ବିରଳ ଧଳା ପେଚା ଉଦ୍ଧାର

ମାଲକାନଗିରି: ଜଗନ୍ନାଥ ମନ୍ଦିର ସମ୍ମୁଖରେ ଲକ୍ଷ୍ମୀଙ୍କ ବାହନ । ଏହାକୁ ଦେଖିବାକୁ ଜମିଛି ଲୋକଙ୍କ ଗହଳି । ଘଟଣାଟି ହେଉଛି କାଲିମେଳା ଜଗନ୍ନାଥ ମନ୍ଦିର ସମ୍ମୁଖର । ମନ୍ଦିର ସାମ୍ନାରେ ଏକ ବିରଳ ଧଳା ପେଚାକୁ ଠାବ କରାଯାଇଥିବା ବେଳେ ଏହାକୁ ଦେଖିବାକୁ ଭିଡ଼ ଜମିଥିବା ଦେଖିବାକୁ ମିଳିଥିଲା । ଏକ ଛୁଆ ଧଳା ପେଚା ରାସ୍ତାକଡ଼ରେ ପଡ଼ିଥିବାବେଳେ ବାଟରେ ଯାଉଥିବା ଦୁଇଜଣ ଯୁବକ ଏହାକୁ ପ୍ରଥମେ ଦେଖିଥିଲେ । ଏହାପରେ ଦୁଇଜଣ ପେଚା ଛୁଆଟିକୁ ରାସ୍ତାକଡ଼ରୁ ଉଦ୍ଧାର କରିଥିଲେ । 

ଉଦ୍ଧାର କରିଥିବା ପେଚାଟିର ଶରୀରରେ ଧଳା ଦାଗ ରହିଥିଲା । ତେବେ ଉଦ୍ଧାର ପେଚାଟି ମାତ୍ର ମାସେ କି ଦୁଇମାସର ହୋଇଥିବା ଅନୁମାନ କରାଯାଉଛି । ଏହି ପେଚାଟି ଉଡ଼ିପାରୁନଥିବା ଜଣାପଡ଼ିଥିଲା । ତେବେ ପେଚାଟି କେଉଁଠୁ ଆସିଲା କିଏ ଆଣିଲା ସେ ବିଷୟରେ କିଛି ଜଣାପଡ଼ିନାହିଁ । ପବିତ୍ର କାର୍ତ୍ତିକ ମାସରେ ଜଗନ୍ନାଥ ମନ୍ଦିର ସମ୍ମୁଖରେ ଧଳାପେଚା ମିଳିବା ଶୁଭ ବୋଲି ସାଧାରଣରେ ଚର୍ଚ୍ଚା ।

Leave a Reply