ନକଲି ମେସେଜ୍ ଚିହ୍ନଟ କରିବା ପାଇଁ ହ୍ୱାଟ୍ସଆପ୍ ଆଣିଲା ନୂଆ ଫିଚର

ଆଜିକାଲି ସୋସିଆଲ ମିଡିଆରେ ପ୍ରତି ମୁହୂର୍ତ୍ତରେ ଭାଇରାଲ ହେଉଥିବା ନକଲି ମେସେଜ ଲୋକଙ୍କୁ ଦ୍ୱନ୍ଦରେ ପକାଉଛି । ଯେଉଁଥିପାଇଁ ଅସଲି ଏବଂ ନକଲି ମେସେଜକୁ ଚିହ୍ନଟ କରିବା ପାଇଁ ହ୍ୱାଟ୍ସଆପ୍ ଆଣିଛି ନୂଆ ଫିଚର । ଏହି ଫିଚର ମାଧ୍ୟମରେ ନକଲି ଏବଂ ଅସଲି ମେସେଜକୁ ଚିହ୍ନଟ କରିବା ବ୍ୟବହାରକାରୀଙ୍କ ପାଇଁ ସହଜ ହୋଇଯିବ । ନକଲି ମେସେଜ ଭାଇରାଲ ହୋଇ ଗୁଜବ ସୃଷ୍ଟି କରିବା ପୂର୍ବରୁ ଏହାର ସତ୍ୟତା ଲୋକଲୋଚନକୁ ଆସିଯାଇଥିବ । ଆସନ୍ତୁ ଆଲୋଚନା କରିବା ଏହି ଫିଚର ବିଷୟରେ ।

ହ୍ୱାଟ୍ସଆପରେ ଆସିଥିବା ଏହି ନୂଆ ଫିଚରର ନାମ search the web ହ୍ୱାଟ୍ସଆପ ମେସେଜରେ ଦିଆଯାଇଥିବା ମ୍ୟାଗ୍ନିଫାଇଙ୍ଗ୍ ଗ୍ଲାସକୁ ଟ୍ୟାପ୍ କରି ଡବଲ ଚେକର ଫିଚର ଆଜିଠାରୁ ଆରମ୍ଭ ହେବ । ନିଜ ବ୍ଲଗରେ ହ୍ୱାଟ୍ସଆପ କହିଛି ଯେ ବାରମ୍ବାର ପଠା ଯାଉଥିବା ମେସେଜକୁ ଅତି ସହଜରେ ଏହି ଫିଚର ମାଧ୍ୟମରେ ଚେକ୍ କରାଯାଇ ପାରିବ । ଏହା ମାଧ୍ୟମରେ ଭାଇରାଲ ମେସେଜର ସତ୍ୟାସତ୍ୟ ଜାଣି ହେବ ।

ବାସ୍ତବରେ ଏହି ଫିଚରକୁ ବ୍ୟବହାର କରିବା ପାଇଁ କେବଳ ହ୍ୱାଟ୍ସଆପ୍ ଯଥେଷ୍ଟ ନୁହେଁ । ଏହି ଫିଚର ପାଇଁ ଏକ ଅପ୍ସନ ଦିଆଯାଇଛି । ଯାହା ମାଧ୍ୟମରେ ମେସେଜକୁ ବ୍ରାଉଜର ଜରିଆରେ ଅପଲୋଡ କରିବାକୁ ହେବ ଏବଂ ଏହାପରେ ଇଂଟରନେଟରେ ଏହି ମେସେଜକୁ କ୍ରଶ୍ ଚେକ୍ କରି ହେବ । ହ୍ୱାଟ୍ସଆପ୍ ଅନୁସାରେ ଏହି ନୂଆ ଫିଚର ଆଜିଠାରୁ ବ୍ରାଜିଲ ,ଇଟାଲୀ,ଆୟରଲ୍ୟାଣ୍ଡ,ମେକ୍ସିକୋ, ସ୍ପେନ୍ ଏବଂ ୟୁଏସରେ ଆରମ୍ଭ କରାଯାଉଛି । ଏହି ଫିଚର ହ୍ୱାଟ୍ସଆପର ଆଣ୍ଡ୍ରଏଡ, ଆଇଓଏମ୍ ଏବଂ ହ୍ୱାଟ୍ସଆପ୍ ଓ୍ୱେବରେ କାମ କରିବ ।