କଟକଣା ଭିତରେ ନିଆରା ପ୍ରୟାସ, ଭର୍ଚୁଆଲ ଦାଣ୍ଡିଆ ଉତ୍ସବ କରିବାକୁ ନିଷ୍ପତ୍ତି ନେଲା ପ୍ରୟାସ ଫାଉଣ୍ଡେସନ

ଭୁବନେଶ୍ୱର: ଦିନକ ପରେ ଧରାପୃଷ୍ଠରେ ଦର୍ଶନ ଦେବେ ଦେବୀ ଦୁର୍ଗା । ଆଉ ଏଥିପାଇଁ କଟକଣା ଭିତରେ ଚାଲିଛି ପୂଜା ପ୍ରସ୍ତୁତି । ହେଲେ ନବରାତ୍ରୀରେ ରାଜଧାନୀରେ ଧୁମ ମଚାଉଥିବା ଦାଣ୍ଡିଆ ନାଚ ଏବର୍ଷ ଦେଖିବାକୁ ମିଳିବନି । ଖୋଲା ଆକାଶ ତଳେ ହେଉଥିବା ଏହି ନାଚ ଉପରେ ବି କୋଭିଡ କଟକଣା ଜାରି ହୋଇଛି ।

ପ୍ରତି ବର୍ଷ ନବରାତ୍ରରେ ଦେଖିବାକୁ ମିଳିଥାଏ ଦାଣ୍ଡିଆ ଧୁମ । ଯୁବପୀଢ଼ିଙ୍କ ଦାଣ୍ଡିଆରେ ଦୁଲୁକୁଥିଲା ପୂରା ରାଜଧାନୀ । ଗରବା ଗୀତରେ ମସଗୁଲ ହୋଇ ପଡୁଥିଲେ ସଭିଏଁ । ହେଲେ ଚଳିତ ବର୍ଷ ଏଥିରେ ଲାଗିଛି ବ୍ରେକ୍ । ତେବେ କୋଭିଡ କଟକଣାକୁ ଦୃଷ୍ଟିରେ ରଖି ରାଜଧାନୀରେ ହେବ ଅନଲାଇନ ଦାଣ୍ଡିଆ ଉତ୍ସବ । ଭର୍ଚୁଆଲ ଦାଣ୍ଡିଆ ଉତ୍ସବ କରିବାକୁ ନିଷ୍ପତ୍ତି ନେଇଛି ପ୍ରୟାସ ଫାଉଣ୍ଡେସନ ।

ଏହି ଅନଲାଇନ ଦାଣ୍ଡିଆ ଡାନ୍ସ ପାଇଁ ଏକ ସ୍ୱତନ୍ତ୍ର ଷ୍ଟୁଡିଓ କରାଯାଇଛି ଯେଉଁଠାରେ ପର୍ଯ୍ୟାୟ କ୍ରମେ ଡାନ୍ସ ଯୋଡିକୁ ଏଣ୍ଟ୍ରି କରାଯିବ । ଗୋଟିଏ ବ୍ୟାଚରେ ୫ଟି ଯୋଡ଼ି ମାନେ ୧୦ ଜଣ ଲୋକ ଏକ ଘଣ୍ଟା ପାଇଁ ନାଚିବେ । ଏହା ସହ ସେହି ଦାଣ୍ଡିଆକୁ ଫେସବୁକ ଭଳି ସୋସିଆଲ ସାଇଟରେ ଲୋକେ ଲାଇଭ ଘରେ ଦେଖି ମଜା ନେବେ ।

Leave a Reply