ଭିଜିଲାନ୍ସ କବଜାରେ କୋଟିପତି ସାର୍, ହାଇସ୍କୁଲରେ ପଢ଼ାଇ ୫ କୋଟିର ମାଲିକ
ଗଞ୍ଜାମ: ଭିଜିଲାନ୍ସ ଜାଲରେ କୋଟିପତି ସାର୍ । ଜଣେ ହିନ୍ଦୀ ଶିକ୍ଷକଙ୍କ ଠାରୁ ୫ କୋଟି ଟଙ୍କାର ସମ୍ପତ୍ତି ଠାବ କରିଛି ଭିଜିଲାନ୍ସ । ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡା ଝାଣ୍ଡନକୁଲି ଯଶୋଦା ହାଇସ୍କୁଲର ଶିକ୍ଷକ ଦୀନବନ୍ଧୁ ସାହୁଙ୍କ ଘରେ ଭିଜିଲାନ୍ସର ଚଢାଉ କରିଥିଲା । ଏହି ସମୟରେ ମୋଟ ୪ କୋଟି ୯୩ ଲକ୍ଷ ୯୭ ହଜାର ୨୪୪ ଟଙ୍କାର ସମ୍ପତ୍ତି ଠାବ କରିଛି ଭିଜିଲାନ୍ସ ।
ଭିଜିଲାନ୍ସ ଟିମ୍ ଏକକାଳୀନ ୫ଟି ସ୍ଥାନରେ ଚଢ଼ାଉ କରି ଏହି ସମ୍ପତ୍ତି ଠାବ କରିଛି । ସବୁଠୁ ବଡ଼ କଥା ହେଉଛି ଦୀନବନ୍ଧୁ ଜଣେ ହାଇସ୍କୁଲ ଶିକ୍ଷକ ହୋଇଥିବା ବେଳେ ତାଙ୍କ ପାଖରେ କୋଟି କୋଟି ଟଙ୍କା ଆସିଲା କେଉଁଠୁ ? ଏସବୁର ତନାଘନା ଆରମ୍ଭ କରିଛି ଭିଜିଲାନ୍ସ । ମିଳିଥିବା ସୂଚନା ଅନୁସାରେ ଗଞ୍ଜାମର ଚିକିଟି ସମେତ ଭୁବନେଶ୍ୱରରେ ଦୀନବନ୍ଧୁଙ୍କ ଶିକ୍ଷାନୁଷ୍ଠାନ ରହିଛି ।
