ଭିଜିଲାନ୍ସ ଜାଲରେ ନବରଙ୍ଗପୁର ଆରଟିଓ
ନବରଙ୍ଗପୁର: ଭିଜିଲାନ୍ସ ଜାଲରେ ଲାଞ୍ଚୁଆ ଆରଟିଓ । ନବରଂଗପୁର ଆରଟିଓ ଗଣେଶ୍ୱର କହଁରଙ୍କ ଘରେ ଭିଜିଲାନ୍ସ ଚଢ଼ାଉ । ଚାକିରି କରାଇଦେବା ନାଁରେ ଲକ୍ଷ୍ମୀ ହରିଜନ ନାମକ ଜଣେ ଯୁବକଙ୍କ ଠାରୁ ଲାଞ୍ଚ ନେଉଥିଲେ । ଲାଞ୍ଚ କାରବାର ପରେ ଟଙ୍କା ଫେରାଇବା ପାଇଁ ଯୁକ୍ତିତର୍କର ଏକ ଭିଡ଼ିଓ ଗତ ୨୧ ତାରିଖରେ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା ।
ପରେ ୨୨ତାରିଖରେ ଆର୍ଟିଓ ଅଫିସର ଡାଟା ଏଣ୍ଟ୍ରି ଅପରେଟର୍ ଲକ୍ଷ୍ମୀ ହରିଜନ, ଆର୍ଟିଓଙ୍କ ବିରୋଧରେ ନବରଙ୍ଗରପୁର ଥାନାରେ ଏତଲା ଦେଇଥିଲେ । ବାସଭବନ, ଅଫିସ ଓ ଭଡ଼ାଘର ସହ ଏକକାଳୀନ ୬ ସ୍ଥାନରେ ରେଡ୍ କରୁଛି ଭିଜିଲାନ୍ସ ଟିମ୍ । କନ୍ଧମାଳ, ବୌଦ୍ଧ, ଭୁବନେଶ୍ୱର ଓ ଗଜପତିରେ ମଧ୍ୟ ରେଡ୍ ଚାଲିଛି । ଭିଜିଲାନ୍ସର ୩ ଜଣିଆ ଟିମ୍ ଏହି ଚଢାଉରେ ସାମିଲ ହୋଇଛନ୍ତି ।
