ନିଶା ମାଫିଆଙ୍କ ସହ ଲିଙ୍କ ଅଭିଯୋଗରେ ନିଲମ୍ବିତ ଆଇଆଇସିଙ୍କ ଘରେ ଭିଜିଲାନ୍ସ ଚଢ଼ାଉ

Jaleswar Police

ଜଳେଶ୍ୱର: ବ୍ରାଉନସୁଗର ମାଫିଆ ଓ ଆଇଆଇସି ଧନେଶ୍ୱର ସାହୁ ଅଡିଓ ଭାଇରାଲ୍ ଘଟଣାରେ ନୂଆ ମୋଡ଼ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଧନେଶ୍ୱର ସାହୁଙ୍କ ଭୁବନେଶ୍ୱର ଓ କଟକ ସ୍ଥିତ ବାସଭବନରେ ଚଢ଼ାଉ କରିଛି ଭିଜିଲାନ୍ସ । ଏହାସହ ସରକାରୀ ବାସଭବନ ଓ ନରସିଂହପୁର ବନ୍ଧହୁଡା ସ୍ଥିତ ଶ୍ୱଶୁର ଘରେ ମଧ୍ୟ ଚଢ଼ାଉ କରାଯାଇଛି । ଏଭଳି ଏକକାଳୀନ ୭ଟି ସ୍ଥାନରେ ଭିଜିଲାନ୍ସ ରେଡ୍ ଚାଲିଥିବା ବେଳେ ପୂର୍ବରୁ ଡ୍ରଗ୍ସ ମାଫିଆଙ୍କ ସହ ଲିଙ୍କ ଅଭିଯୋଗରେ ଧନେଶ୍ୱରଙ୍କୁ ଚାକିରିରୁ ନିଲମ୍ବିତ କରିଥିଲେ ଡିଜିପି । ବ୍ରାରନସୁଗର ମାଫିଆଙ୍କ ସହ ପୋଲିସ ଲିଙ୍କ୍‌ ଘଟଣାରେ ଅଧିକ ଖୋଳତାଳ ଚାଲିଛି । ଚଢାଉରେ ଡିଏସ୍‌ପି ସରତ କୁମାର ମହାପାତ୍ର ବାରିପଦା ୟୁନିଟ୍,‌ ଏଲ୍‌ ଏନ୍‌ ମୁଖି ବାଲେଶ୍ୱର ୟୁନିଟ୍ ଏବଂ ୧୧ ଜଣିଆ ଟିମ୍ ଚଡାଉ କରିଛନ୍ତି ।

Jaleswar Police

ଅଗଷ୍ଟ ମାସ ଦ୍ୱିତୀୟ ସପ୍ତାହରେ ଏକ ଅଡ଼ିଓ ଭାଇରାଲ ହୋଇଥିଲା । ଜଳେଶ୍ୱର ଥାନା ଅଧିକାରୀ ବ୍ରାଉନସୁଗାର କାରବାର ପାଇଁ ୫ ଲକ୍ଷ ଟଙ୍କାର ଡିଲ କରୁଥିଲେ । ଯାହାକି ସେହି ଅଡିଓ ଟେପ୍‌ରୁ ସ୍ପଷ୍ଟ ହୋଇଥିଲା । ଅଡିଓ କ୍ଲିପକୁ ଭଲ ଭାବେ ଶୁଣିଲେ ଏକଥା ମଧ୍ୟ ସ୍ପଷ୍ଟ ହେଉଥିଲା ଯେ, ବ୍ରାଉନସୁଗାର ପାଇଁ ପୋଲିସ ଅଧିକାରୀ ପ୍ରଥମ ଥର ଟଙ୍କା ନେଉ ନାହାନ୍ତି । ପୋଲିସ ଅଧିକାରୀ ଓ ବ୍ରାଉନସୁଗାର ମାଫିଆଙ୍କ ମଧ୍ୟରେ ସମ୍ପର୍କ ନୂଆ ନୁହେଁ । ଉଭୟ ପରସ୍ପରକୁ ବ୍ୟକ୍ତିଗତ ଭାବେ ଜାଣିବା ସହ ପୂର୍ବରୁ ମଧ୍ୟ ଏଭଳି କାରବାର କରି ସାରିଛନ୍ତି । ତେବେ ସବୁବେଳେ ପୋଲିସ ବାବୁଙ୍କ ପାଖରେ ଠିକ୍ ସମୟରେ ଟଙ୍କା ପହଞ୍ଚେ । ମାତ୍ର ସେହିଥର ପହଞ୍ଚିନଥିଲା । ଏଇ କଥାକୁ ନେଇ ରାଗି ପଞ୍ଚମ ହୋଇଯାଇଥିଲେ ପୋଲିସ ଅଧିକାରୀ । ଯାହାର ପ୍ରତିବାଦ କରିଥିଲେ ଡ୍ରଗ୍ସ ମାଫିଆ । ଏହି ଭାଇରାଲ ଅଡିଓକୁ ଯେକେହି ବି ଶୁଣିବେ ଏହା ସ୍ପଷ୍ଟ ବାରିପାରିବେ ।

Jaleswar IIC Vigilnce

ଜିଲ୍ଲାକୁ କଦଳୀ ଗାଡ଼ିରେ ଆସେ ବ୍ରାଉନସୁଗର । ଏହି ଘଟଣାକୁ ଦେଖି ଆଖି ବନ୍ଦ କରିଦେବା ପାଇଁ ପୋଲିସବାବୁ ନେଉଥିଲେ ମୋଟା ଅଙ୍କର ହାତଗୁଞ୍ଜା । ଯେଉଁଥିପାଇଁ ଫୋନରେ ଦୁଇଜଣଙ୍କ ଭିତରେ ଆଲୋଚନା ଚାଲିଥିଲା ।

Leave a Reply