ବିଭ୍ରାନ୍ତିକର କରୋନା ଖବର ପ୍ରସାରଣ ମାମଲା: ପୋଲିସ ରିମାଣ୍ଡରେ ଗଲେ ଦୁଇ ଅଭିଯୁକ୍ତ 

ଭୁବନେଶ୍ୱର: ଏକ ଘରୋଇ ଟିଭି ଚ୍ୟାନେଲରେ କୋଭିଡ୍‌ ହସ୍‌ପିଟାଲ ସଂପର୍କିତ ବିଭ୍ରାନ୍ତିକର ଖବର ପ୍ରସାରଣ ମାମଲାରେ ପୋଲିସ ରିମାଣ୍ଡରେ ଗଲେ ଦୁଇ ଅଭିଯୁକ୍ତ  । ଦୁଇ ଅଭିଯୁକ୍ତ ହେଲେ ଓର୍‌ଟେଲ କମୁନିକେସନ୍‌ସର କର୍ମଚାରୀ ଲକ୍ଷ୍ମୀକାନ୍ତ ବେହେରା ଓ ତାଙ୍କ ବନ୍ଧୁ ବିଶ୍ୱଜିତ୍ ମହାନ୍ତି । ଗତକାଲି ଲକ୍ଷ୍ମୀକାନ୍ତ ଓ ବିଶ୍ୱଜିତଙ୍କୁ କ୍ୟାପିଟାଲ ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଥିଲା ।

 

ଲକ୍ଷ୍ମୀକାନ୍ତ ଓ ବିଶ୍ୱଜିତ ଭୁବନେଶ୍ୱର ଝାରପଡ଼ା ଜେଲ୍‌ରେ ଥିଲେ । ସେମାନଙ୍କୁ ତିନିଦିନିଆ ରିମାଣ୍ଡରେ ନେବା ପାଇଁ ଏସଡିଜେଏମ୍‌ କୋର୍ଟ ଅନୁମତି ଦେଇଥିଲେ । ଆଜି କ୍ୟାପିଟାଲ ଥାନା ପୋଲିସ ରିମାଣ୍ଡରେ ନେଇଛି । ଲକ୍ଷ୍ମୀକାନ୍ତ ଓ ବିଶ୍ୱଜିତଙ୍କୁ ପୋଲିସ ତିନିଦିନ ଧରି ଜେରା କରିବ । ଲକ୍ଷ୍ମୀକାନ୍ତ ବେହେରା କରୋନା ଆକ୍ରାନ୍ତ ହୋଇଥିଲେ । ସୁସ୍ଥ ହୋଇ ଫେରିବା ପରେ ଲକ୍ଷ୍ମୀକାନ୍ତ ଓ ବିଶ୍ୱଜିତଙ୍କ ବାର୍ତ୍ତଆଳାପର ଅଡିଓ ବିଶ୍ୱଜିତ ଭାଇରାଲ୍ କରିଥିଲେ ।

ଏକ ଘରୋଇ ଟିଭି ଚ୍ୟାନେଲର ଡିଜିଟାଲ ପ୍ଲାଟ୍‌ଫର୍ମରେ ଏହି ବିଭ୍ରାନ୍ତିକର ଭାଇରାଲ ଅଡିଓ ପୋଷ୍ଟ ହୋଇଥିଲା । ଏନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ କ୍ୟାପିଟାଲ ଥାନାରେ ଏତଲା ଦିଆଯିବା ପରେ ଓର୍‌ଟେଲ କର୍ମଚାରୀ ଲକ୍ଷ୍ମୀକାନ୍ତ ବେହେରା ଓ ତାଙ୍କ ବନ୍ଧୁ ବିଶ୍ୱଜିତ ମହାନ୍ତିଙ୍କୁ ପୋଲିସ ଗିରଫ କରଥିଲା। ଆଜି ତିନିଦିନିଆ ରିମାଣ୍ଡରେ ନେଇଛି । ଉଭୟଙ୍କୁ ପୋଲିସ ତିନିଦିନ କାଳ ପଚରାଉଚରା କରିବ ।

ମହଙ୍ଗା ପଡିଲା ଫେକ୍ ନ୍ୟୁଜ୍: ନ୍ୟୁଜ୍ ଚ୍ୟାନେଲ୍ ବିରୋଧରେ ମାନହାନୀ ମୋକଦ୍ଦମା କରିବେ ଦୁଇ ହସ୍ପିଟାଲ

Leave a Reply