ଆଜି ବିଶ୍ୱବିନ୍ଧାଣୀ ବିଶ୍ୱକର୍ମାଙ୍କ ପୂଜା, କରୋନା କଟକଣା ଭିତରେ ଗାଇଡଲାଇନ୍ ଅନୁଯାୟୀ ହେବ ପୂଜା
ଭୁବନେଶ୍ୱର: ଆଜି ବିଶ୍ୱବିନ୍ଧାଣୀ ବିଶ୍ୱକର୍ମାଙ୍କ ପୂଜା । ତେବେ କରୋନା ପାଇଁ ସବୁ ପର୍ବପର୍ବାଣୀ ପରି ବିଶ୍ୱକର୍ମା ପୂଜା ମଧ୍ୟ ଫିକା ପଡିଯାଇଛି । ସରକାରୀ ଗାଇଡଲାଇନ୍ ଅନୁସାରେ କଟକଣାରେ ଆୟୋଜିତ ହେବ ପୂଜା । ମହାଆଡମ୍ବର ବଦଲରେ କେବଳ ବିଧି ରକ୍ଷା ପାଇଁ ସବୁଠି ପୂଜା ପାଇପାଇବେ ବିଶ୍ୱକର୍ମା । ଏପଟେ ପୂଜା ପୂର୍ବରୁ ଖାଁ ଖାଁ ପାରାଦୀପ ସହର ।
ପାରାଦୀପର ଗଣପର୍ବ ହେଉଛି ବିଶ୍ୱକର୍ମା ପୂଜା । ପୂଜାର ୨ମାସ ଆଗରୁ ସବୁପ୍ରସ୍ତୁତି ଆରମ୍ଭ ହୋଇଯାଥାଏ । ସୁଉଚ୍ଛ ତୋରଣ ସହିତ ଆଖିଦୃଶିଆ ମଣ୍ଡପରେ ପୂଜା ପାଆନ୍ତି ବିଶ୍ୱକର୍ମା । ତେବେ ସବୁବର୍ଷ ପରି ଏବର୍ଷ ଗହଳି ଚହଳି ନାହିଁ । କରୋନା ପାଇଁ କେବଳ ବିଧି ରଖିବାକୁ ଛୋଟ ମୁର୍ତ୍ତି ଆଣି ପୂଜା କରାଯିବ ବୋଲି ପୂଜା କମିଟି ଗୁଡିକ କହିଛନ୍ତି ।
