ଅନ୍ତର୍ଜାତୀୟ ମହିଳା ଦିବସ: ମୁଁ ପିଢ଼ି ସମାନତାର ହକଦାର ! ନାରୀ ଅଧିକାରକୁ ହୃଦୟଙ୍ଗମ କରିଛି ।
ଭୁବନେଶ୍ୱର: ଆଜି ମାର୍ଚ୍ଚ ୮, ଅନ୍ତର୍ଜାତୀୟ ମହିଳା ଦିବସ । ବାସ୍ତବିକ ଭାବରେ ଏ ଦିବସ ମନରେ ପ୍ରଶ୍ନ ଆସିବା ସ୍ୱଭାବିକ ଯେ ବର୍ଷ ବର୍ଷ ଧରି ମହିଳା ଦିବସ ପାଳନର ଯଥାର୍ଥତା କଣ । କାହିଁକି ଆବଶ୍ୟକ ପଡ଼ିଲା ସଚେତନତା ? ସୃଷ୍ଟିରେ କାହିଁକି ଶୁଭିଲା ପୁରୁଷ ତୁଲ୍ୟ ସ୍ୱାଧୀନତା ଦାବିର ସ୍ୱର? କାହିଁକି ଅଧିକାରରୁ ବଞ୍ଚିତ ହେଲେ ମହିଳା? ସମାଜରେ ଅନେକ ମହିଳା ବର୍ଷବର୍ଷ ଧରି ନିଜ ସ୍ୱାଭିମାନ, ସ୍ୱାଧୀନତା ଏବଂ ସହଭାଗିତା ପାଇଁ ଲଢେଇ କରୁଛନ୍ତି । ତେବେ ଧୀରେ ଧୀରେ ବଦଳୁଛି ଚିତ୍ର ଯାହା ହୃଦବୋଧ କରାଏ ସଚେତନତାର ଆବଶ୍ୟକତା କେତେ ଅଧିକ ଥିଲା ।
ମହିଳା ଏବେ ଅନେକ ସ୍ୱାବଲମ୍ବି ହେଲେଣି, ଉଚ୍ଚ ଶିକ୍ଷିତା ହେବା ସହ ସଫଳତାର ସୋପାନ ଚଢିଲେଣି ଏବଂ ନିଜ ଅଧିକାର ପାଇଁ ପାଟି ଫିଟେଇଲେଣି । ନିଜର ସ୍ଥିତି ସୁଦୃଢ କରିବା ସହ ସେମାନେ ସଜାଡ଼ି ପାରୁଛନ୍ତି ପରିବାରର ଆର୍ଥିକ ସ୍ଥିତି, ଏବଂ ସମାଜରେ ଆଣିପାରୁଛନ୍ତି ପରିବର୍ତ୍ତନ । ତେବେ ଏ ବର୍ଷ ଆନ୍ତର୍ଜାତିକ ମହିଳା ଦିବସର ଥିମ୍ ରହିଛି ‘ମୁଁ ପିଢ଼ି ସମାନତାର ହକଦାର! ନାରୀ ଅଧିକାରକୁ ହୃଦୟଙ୍ଗମ କରିଛି ।‘ ଏ ଅବସରରେ ରାଜ୍ୟର କୋଣ ଅନୁକୋଣରେ ମହିଳା ଦିବସ ପାଳନ ହେବା ସହ ଅନେକ ପ୍ରତିଭାଧାରୀଙ୍କୁ ସମ୍ମାନିତ କରାହେବ ।
