ଅନଲାଇନ କ୍ଲାସ ସମୟରେ ହଠାତ ଚୋରଙ୍କ ପ୍ରବେଶ, ଆଉ ତା’ ପରେ..

ଅମ୍ବାଟୋ: ଘରେ ଅନଲାଇନ କ୍ଲାସ ନେଉଥିବା ଜଣେ ଛାତ୍ରୀଙ୍କ ଘରକୁ ହଠାତ୍ ପଶି ଆସିଲେ କିଛି ଚୋର । ଉକ୍ୱାଡୋରର ତୁଙ୍ଗୁରହୁଆରେ ଅମ୍ବାଟୋ ସହରରେ ରହୁଥିବା ମାରିୟା ଜୋସ ନାମକ ଜଣେ ଛାତ୍ରୀ ତାଙ୍କ ଶିକ୍ଷକଙ୍କ ସମେତ ଅନ୍ୟ ୨୫ ଜଣ ଛାତ୍ରଛାତ୍ରୀଙ୍କ ସହିତ ଅନଲାଇନରେ ପାଠ ପଢୁଥିଲେ । ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡ଼ିଓରେ ଦ୍ୱିତୀୟ ଧାଡ଼ିର ତୃତୀୟ ସଂଖ୍ୟାରେ ଥିବା ଛାତ୍ରୀ ମାରିୟାଙ୍କ ଘରେ ଚୋର ପ୍ରବେଶ କରି ମାରିୟାଙ୍କୁ ଧମକ ଦେବା ଆରମ୍ଭ କଲେ । କିନ୍ତୁ ପରେ ପୋଲିସକୁ ଘଟଣା ସମ୍ପର୍କରେ ଜଣାପଡ଼ିବା ପରେ ୪ ଦୁର୍ବୁତ୍ତଙ୍କୁ ପୋଲିସ ହେପାଜତକୁ ନେଇଛି ।


ସୂଚନାଯୋଗ୍ୟ ଚୋର ପ୍ରବେଶ କରିବା ସମୟରେ ମାରିୟା ଅନଲାଇନ କ୍ଲାସରେ ଥିବା ଖବର ବିଷୟରେ ସେମାନେ ଜାଣି ନଥିଲେ । କିନ୍ତୁ ଅନଲାଇନରେ ଥିବା ଅନ୍ୟ ସମସ୍ତେ ଏହାକୁ ଦେଖି ପାରିଥିଲେ । ଅବଶ୍ୟ ପଢାଇବାରେ ଶିକ୍ଷକ ବ୍ୟସ୍ତ ଥିବାରୁ ଉକ୍ତ ଘଟଣା ତାଙ୍କ ନଜରକୁ ଆସି ନଥିଲା । କିନ୍ତୁ ପିଲାଙ୍କ ପାଖରେ ମାରିୟାଙ୍କ ମା’ଙ୍କ ମୋବାଇଲ ନମ୍ବର ଥିବାରୁ ସେମାନେ ଯୋଗାଯୋଗ କରି ପାରିଥିଲେ । ଫଳସ୍ୱରୂପ ଲୁଟେରାଙ୍କୁ ଗିରଫ କରିବାରେ ସକ୍ଷମ ହେଲା ପୋଲିସ ।

Leave a Reply