ଦେଶର ପ୍ରଥମ ବଜେଟ: କିଏ ଥିଲେ ପ୍ରଧାନମନ୍ତ୍ରୀ, କେତେ ଥିଲା ବ୍ୟୟ ବରାଦ ?

1 min read

ଭୁବନେଶ୍ୱର: ଆରମ୍ଭ ହୋଇଛି ବର୍ଷ, ଆଗତ ହେବ ବଜେଟ । ଫେବୃୟାରୀ ପ୍ରଥମ ଦିନରେ ୨୦୨୧-୨୨ ଆର୍ଥିକ ବର୍ଷ ପାଇଁ ପ୍ରସ୍ତାବିତ ହେବ କେନ୍ଦ୍ରୀୟ ବଜେଟ । ସମ୍ବିଧାନର ଧାରା ୧୧୨ ଅନୁଯାଇ ବର୍ଷକ ପାଇଁ ପ୍ରସ୍ତୁତ ହୁଏ ଦେଶ ଚଳିବାର ଖସଡା । ଆଉ ଏହାକୁ ନେଇ ସଂସଦରେ ଏକ ନିର୍ଦ୍ଦିଷ୍ଟ ପରିମାଣର ଆର୍ଥିକ ରାଶି ଆଗତ କରନ୍ତି ଦେଶର ଅର୍ଥମନ୍ତ୍ରୀ ।

କିନ୍ତୁ ଆମେ ଜାଣିଛେ କି, ପ୍ରଥମେ କେବେ କାର୍ଯ୍ୟନ୍ୱୟନ ହୋଇଥିଲା ଏହି ବଜେଟ ବ୍ୟବସ୍ଥା ? କିଏ  ଆଣିଥିଲେ ଦେଶର ପ୍ରଥମ ବଜେଟ୍ ? ଆଉ କିଏ ଥିଲେ ସେତେବେଳେ ପ୍ରଧାନମନ୍ତ୍ରୀ ?

୧୯୪୭ ମସିହା ଅଗଷ୍ଟ ୧୫ ତାରିଖ । ଇଂରେଜଙ୍କ କବଳରୁ ମୁକ୍ତ ହୁଏ ଭାରତ । ପଣ୍ଡିତ ନେହେରୁ ସାଜନ୍ତି ଦେଶର ପ୍ରଧାନମନ୍ତ୍ରୀ । ସ୍ୱାଧିନ ଭାରତର ପ୍ରଥମ ବଜେଟ ନଭେମ୍ବର ୧୯୪୭ରେ ଆଗତ ହୋଇଥିଲା ।  ବଜେଟ୍ ଆଣିଥିଲେ ଭାରତର ପ୍ରଥମ ଅର୍ଥମନ୍ତ୍ରୀ ଆର. କେ ଶାନମୁଖମ ଚେଟ୍ଟି ।  ବର୍ଷ ୧୯୪୭-୪୮ ପାଇଁ  ଆସିଥିଲା ଏହି ବଜେଟ୍ । ନଭେମ୍ବର ୨୬, ୧୯୪୭ ମସିହାରେ ସଂସଦରେ ପେସ୍ ହୋଇଥିଲା ସ୍ୱାଧିନ ଭାରତର ପ୍ରଥମ ବଜେଟ ।

ଏହି ବଜେଟର ଅବଧି ରହିଥିଲା ମାତ୍ର ସାଢ଼େ ସାତ ମାସ । ଏଥିରେ ମୋଟ ରାଜସ୍ୱ 171.15 କୋଟି ଥିବା ବେଳେ  ଆର୍ଥିକ ନିଅଣ୍ଟ ରହିଥିଲା 24.59 କୋଟି । ସେହିପରି ମୋଟ ବ୍ୟୟ ବରାଦ ଥିଲା 197.29 କୋଟି । ଯେଉଁଥିରୁ ପ୍ରତିରକ୍ଷା ବିଭାଗ ପାଇଁ ଆବଣ୍ଟିତ ହୋଇଥିଲା 92.74 କୋଟି ଟଙ୍କା  । ଚେଟି ୧୯୪୯ ମସିହା ପର୍ଯ୍ୟନ୍ତ ଦେଶର ଅର୍ଥମନ୍ତ୍ରୀ ରହିଥିଲେ । ୧୮୯୨ରେ ତାଙ୍କର ଜନ୍ମ ତାମିଲନାଡୁର କୋଏମ୍ବଟୁରରେ ହୋଇଥିଲା ।

 

Leave a Reply