ରାଜଧାନୀରେ ଟେରାକୋଟା ପ୍ରଦର୍ଶନୀ, ୫ ଟଙ୍କାରୁ ୩୦୦୦ ଟଙ୍କା ପର୍ଯ୍ୟନ୍ତ ମିଳୁଛି ମାଟି ସାମଗ୍ରୀ

Terracotta

ଭୁବନେଶ୍ୱର: କରୋନା କଟକଣା ଭିତରେ ପଡିଛି ଟେରାକୋଟା ପ୍ରଦର୍ଶନୀ । ଭୁବନେଶ୍ଵର ପ୍ରଦର୍ଶନୀ ପଡ଼ିଆରେ, ଦୀପାବଳିକୁ ଦୃଷ୍ଟିରେ ରଖି ମୃତ୍ତିକା ୨୦ର ୬ ଦିନିଆ ପ୍ରଦର୍ଶନୀ ଉଦ୍ଦଘାଟିତ‌ ହୋଇଯାଇଛି । ଏହି ପ୍ରଦର୍ଶନୀକୁ ଭିଡିଓ କନଫରେନ୍ସିଂ ମଧ୍ୟମରେ ଉଦ୍ଦଘାଟନ କରିଛନ୍ତି ହସ୍ତତନ୍ତ, ବୟନ ମନ୍ତ୍ରୀ ପଦ୍ମିନୀ ଡିଆନ ।

ଏହି ପ୍ରଦର୍ଶନୀରେ ଏକତ୍ର ଦେଖିବାକୁ ମିଳିଛି ଦୀପଠାରୁ ଆରମ୍ଭ କରି ଘରସଜା ଜିନିଷର ସମ୍ଭାର । କରୋନାର ସମସ୍ତ କଟକଣା ମାନି ଆୟୋଜନ କରାଯାଇଛି ଟେରାକୋଟା ପ୍ରଦର୍ଶନୀ । ୧୦୧ଟି ଷ୍ଟଲରେ ରହିଛି ଅନେକ ପ୍ରକାରର ଛୋଟ ବଡ଼ ମାଟି ନିର୍ମିତ ଘରସଜା ଜିନିଷର ଏକତ୍ର ସମ୍ଭାର । ଦୀପାବଳିକୁ ଦୃଷ୍ଟିରେ ରଖି ଅନେକ ପ୍ରକାର ରଙ୍ଗବେରଙ୍ଗ ଦୀପରେ ଝଲସୁଛି ପ୍ରଦର୍ଶନୀ ପଡିଆ । ୫ ଟଙ୍କାରୁ ଆରମ୍ଭ କରି ୩୦୦୦ ଟଙ୍କାରେ ମିଳୁଛି ଟେରାକୋଟା ସାମଗ୍ରୀ । ୨୦ ଗୋଟି ଜିଲ୍ଳାର ମୃତ୍ତିକା କାରିଗର ଏଥିରେ ଅଂଶ ଗ୍ରହଣ କରିଛନ୍ତି ।

ମାଟିରେ ତିଆରି ଜିନିଷ ଘରର ଅଳଙ୍କାର ସାଜି ଥିଲା ବେଳେ ବିଭିନ୍ନ ଭେରାଇଟର ଦୀପ ଗ୍ରାହାକଙ୍କୁ ଆକୃଷ୍ଟ କରୁଛି । କୁସଳୀ କାରିଗରଙ୍କ ହାତର ଚାତୁରୀରେ ନିର୍ମୀତ ମାଟି କାରୁକାର୍ଯ୍ୟ ବେଶ୍‌ ମନଲୋଭା ହୋଇଛି । ଦୀର୍ଘ ସାତ ମାସ ପରେ ଏହି ହସ୍ତତନ୍ତ ପ୍ରଦର୍ଶନୀ ପଡିଥିବାରୁ ବେଶ୍‌ ଖୁସି ଅଛନ୍ତି ରାଜଧାନୀବାସୀ ।

ଓଡ଼ିଶା ସରକାରଙ୍କ ଦ୍ଵାରା ଅନୁମୋଦିତ ଏହି ଟେରାକୋଟା ପ୍ରଦର୍ଶନୀରେ ପ୍ରାୟ ୧୨୫ ଲକ୍ଷ ଟଙ୍କାରୁ ଉର୍ଦ୍ଧ୍ୱ ସାମଗୀ ବିକ୍ରୀ ହେବାର ଆସା ରଖିଛି ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ।

Leave a Reply