ସୁଶାନ୍ତଙ୍କ ଆତ୍ମହତ୍ୟା ମାମଲାରେ ସଞ୍ଜୟ ଲୀଲା ଭନସାଲୀଙ୍କୁ ହେବ ଜେରା

ମୁମ୍ୱାଇ: ସୁଶାନ୍ତ ସିଂହଙ୍କ ଆତ୍ମହତ୍ୟା ମାମଲାରେ ବାନ୍ଦ୍ରା ପୋଲିସ ସବୁ ଦିଗରୁ ତଦନ୍ତ କରୁଛି । ସୁଶାନ୍ତଙ୍କ ଆତ୍ମହତ୍ୟା କରିବାର କାରଣ ଜାଣିବା ପାଇଁ ଅନେକ ଲୋକଙ୍କୁ ପଚରାଉଚରା କରାଯାଉଛି। ବର୍ତ୍ତମାନ ବାନ୍ଦ୍ରା ପୋଲିସ ଏହି ମାମଲାରେ ଚଳଚ୍ଚିତ୍ର ନିର୍ଦ୍ଦେଶକ ସଞ୍ଜୟ ଲୀଲା ଭନସାଲୀଙ୍କୁ ଡକାଇଛନ୍ତି। ସୁଶାନ୍ତ ସିଂହ ମାମଲାରେ ପଚରାଉଚରା ପାଇଁ ଭନସାଲୀଙ୍କୁ ପୋଲିସ ଡକାଇଛି ।

ଚଳଚ୍ଚିତ୍ର ସମାଲୋଚକ ସୁଭାଷ କେ ଝା ପ୍ରକାଶ କରିଛନ୍ତି ଯେ, ସୁଶାନ୍ତ ତାଙ୍କ ୩ଟି ଚଳଚ୍ଚିତ୍ର ପାଇଁ ସଞ୍ଜୟ ଲୀଲା ଭନସାଲୀଙ୍କ ନିକଟକୁ ଯାଇଥିଲେ। ଏଥିରେ ବାଜିରାଓ ମସ୍ତାନୀ, ଗୋଲିୟୋନ୍ କି ରସଲେଲା ରାମ-ଲୀଲା ଏବଂ ପଦ୍ମାବତ ଅନ୍ତର୍ଭୁକ୍ତ ଥିଲେ । ସୁଭାଷ ଝା କହିଥିଲେ- ଯେତେବେଳେ ସୁଶାନ୍ତ ସିଂ ପାନି ଫିଲ୍ମ ପାଇଁ ପ୍ରସ୍ତୁତ ହେଉଥିଲେ ଏବଂ ସେ ଏହାକୁ ତିଆରି କରିନଥିଲେ । ତେଣୁ ତାଙ୍କୁ ବାଜିରାଓ ମସ୍ତାନୀ ପ୍ରଦାନ କରାଯାଇଥିଲା। ସଞ୍ଜୟ ଲୀଲା ଭନସାଲୀ ମୋତେ ଏହା କହିଥିଲେ।

କିନ୍ତୁ ସୁଶାନ୍ତ ଏହି ଫିଲ୍ମ କରିପାରିନଥିଲେ। ତା’ପରେ ସଞ୍ଜୟ ଲୀଲା ଭନସାଲୀ ତାଙ୍କୁ  ରସଲିଲା ରାମ-ଲୀଲା ଏବଂ ପରେ ପଦ୍ମାବତରେ ପାଇଁ ମଧ୍ୟ ଅଫର କରାଯାଇଥିଲା । ଆଜିର ସମୟରେ ସଞ୍ଜୟ ଲୀଲା ଭନସାଲୀ ସବୁଠାରୁ ବଡ଼ ନିର୍ଦ୍ଦେଶକ ଏବଂ ସୁଶାନ୍ତ ତାଙ୍କର ତିନିଟି ଚଳଚ୍ଚିତ୍ର ଗ୍ରହଣ କରିପାରିଲେ ନାହିଁ । ଏହାଦ୍ୱାରା ସୁଶାନ୍ତଙ୍କୁ ବୟକଟ୍ କରାଯାଉଥିବା ନେଇ ଅଭିଯୋଗରେ ସତ୍ୟତା ଥିବା ମନେହେଉଛି ।

ଆତ୍ମହତ୍ୟା ନା ହତ୍ୟା ? ସୁଶାନ୍ତ ସିଂହ ରାଜପୁତ୍ ଡେଥ୍ ମିଷ୍ଟ୍ରି ନେଇ ସୋସିଆଲ ମିଡିଆରେ ଉଠୁଛି ଏହି ୭ଟି ପ୍ରଶ୍ନ

ସଞ୍ଜୟ ଲୀଲା ଭନସାଲୀଙ୍କ ବ୍ୟତୀତ ମନୋରଞ୍ଜନ ନ୍ୟୁଜ୍ ପୋର୍ଟାଲର ସମ୍ପାଦକ ସାମ୍ବାଦିକ ବିକି ଲାଲୱାନୀଙ୍କୁ ମଧ୍ୟ ବାନ୍ଦ୍ରା ପୋଲିସ ପଚରାଉଚରା ପାଇଁ ପୋଲିସ ଷ୍ଟେସନକୁ ଡକାଇଥିଲା। ସୁଶାନ୍ତ ସିଂ ରାଜପୁତ ମାମଲାରେ ବିକି ଲାଲୱାନୀଙ୍କୁ ମଧ୍ୟ ପଚରାଉଚରା କରାଯାଇଥିଲା।