ସୁଶାନ୍ତଙ୍କ ମୃତ୍ୟୁ ମାମଲା ସିବିଆଇକୁ ହସ୍ତାନ୍ତର କରାଯିବା ପରେ କିଛି ଏଭଳି କହିଲେ ଅଙ୍କିତା

1 min read

ନୂଆଦିଲ୍ଲୀ: ବୁଧବାର ସୁଶାନ୍ତ ସିଂହ ରାଜପୁତ ମାମଲାରେ ବଡ଼ ମୋଡ଼ ଆସିଛି । କେନ୍ଦ୍ର ସରକାର ଏହି ମାମଲାରେ ସିବିଆଇକୁ ହସ୍ତାନ୍ତର କରିଛନ୍ତି । ଏହାପରେ ସୁଶାନ୍ତ ମୃତ୍ୟୁକୁ ନେଇ ଲାଗିରହିଥିବା ସସପେନ୍ସ ଉପରୁ ପରଦା ଉଠାଇବ ସିବିଆଇ । ବିହାର ସରକାର ଏହି ମାମଲାର ତଦନ୍ତ ନେଇ କେନ୍ଦ୍ର ସରକାରଙ୍କ ନିକଟରେ ସୁପାରିସ କରିଥିଲେ । ଏଭଳି ପଦକ୍ଷେପ ପରେ ସୁଶାନ୍ତଙ୍କ ପ୍ରଶଂସକ ଆଶ୍ୱସ୍ତ ଅନୁଭବ କରିଛନ୍ତି ଏବଂ ମାମଲାର ନିରେପକ୍ଷ ତଦନ୍ତ ନେଇ ଆଶା ବ୍ୟକ୍ତ କରିଛନ୍ତି । ଅନ୍ୟ ପ୍ରଶଂସକଙ୍କ ସହ ସୁଶାନ୍ତଙ୍କ ପୂର୍ବତନ ପ୍ରେମିକା ଅଙ୍କିତା ଲୋଖଣ୍ଡେଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି ।

View this post on Instagram

Gratitude ?? #sushantsinghrajput

A post shared by Ankita Lokhande (@lokhandeankita) on

ଇନ୍‌ଷ୍ଟାରେ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି ଅଙ୍କିତା
ସୁଶାନ୍ତଙ୍କ ମାମଲା ସିବିଆଇକୁ ହସ୍ତାନ୍ତର କରାଯିବା ନେଇ ଘୋଷଣା କରାଯିବା ପରେ ଅଙ୍କିତା ଲୋଖଣ୍ଡେ ଇନଷ୍ଟାଗ୍ରାମ୍‌ରେ ଏକ ପୋଷ୍ଟ ସେୟାର କରି ନିଜ ପ୍ରତିକ୍ରିୟା ପ୍ରକାଶ କରିଛନ୍ତି । ସେ ଲେଖିଛନ୍ତି ଯେ, ଶେଷରେ ସେହି ସମୟ ଆସିଗଲା ଯାହାର ଅପେକ୍ଷା ଏତେ ଦିନ ଧରି ଲାଗିରହିଥିଲା । ଏବଂ କ୍ୟାପସନ୍‌ରେ କୃତଜ୍ଞତା ମଧ୍ୟ ପ୍ରକାଶ କରିଛନ୍ତି ଅଙ୍କିତା । ଅଙ୍କିତାଙ୍କ ଏହି ପୋଷ୍ଟରେ ଅନେକ ସେଲିବ୍ରିଟି ନିଜ ରିଆକସନ୍ ଦେଇଛନ୍ତି । ଅଭିନେତ୍ରୀ ଦିଲଜିତ କୈର ଲେଖିଛନ୍ତି ଏବେ ତ ଆରମ୍ଭ, ଆଗକୁ ସତ୍ୟ ସାମ୍ନାକୁ ଆସିବ । ସତ୍ୟମେବ୍ ଜୟତେ ।

Leave a Reply