ତାଗିଦ୍ କରିବାରୁ ଶିକ୍ଷକଙ୍କୁ ଗୁଳି କଲା ଛାତ୍ର

1 min read

ଗାଜିଆବାଦ: ଶିକ୍ଷକଙ୍କୁ ଗୁଳି କଲେ ଛାତ୍ର । ଶିକ୍ଷକ ଜଣଙ୍କ କ୍ଳାସ୍‌ରେ ଛାତ୍ରଙ୍କୁ ଗାଳି ଦେବାକୁ ଏଥିରେ ଉତ୍‌କ୍ଷୀପ୍ତ ହୋଇ ତାଙ୍କୁ ଗୁଳି କରିଛି ଛାତ୍ର ।   ଉତ୍ତରପ୍ରଦେଶ ଗାଜିଆବାଦରୁ ଘଟିଛି ଏଭଳି ଚାଞ୍ଚଲ୍ୟକର ଘଟଣା । ତେବେ ସୌଭାଗ୍ୟବସତଃ ଶିକ୍ଷକଙ୍କ ଜୀବନ ବଞ୍ଚିଯାଇଛି। ସେ ଆହତ ଅଛନ୍ତି। ହସ୍ପିଟାଲରେ ତାଙ୍କର ଚିକିତ୍ସା ଚାଲିଛି। ଆହତ ଶିକ୍ଷକଙ୍କ ଅଭିଯୋଗ କ୍ରମେ ପୋଲିସ ମାମଲା ରୁଜ୍ଜୁ କରି ତନାଘନା ଆରମ୍ଭ କରିଦେଇଛି ।

ଘଟଣାନୁଯାୟୀ, ସରସ୍ବତୀ ବିହାର କଲୋନୀ ସ୍ଥିତ କୃଷ୍ଣ ବିଦ୍ୟା ନିକଟ ସ୍କୁଲରେ ବାଣିଜ୍ୟ ଶିକ୍ଷକ ସଚିନ ତ୍ୟାଗୀ ଦ୍ୱାଦଶ ଶ୍ରେଣୀରେ ପଢ଼ୁଥିବା ଜଣେ ଛାତ୍ରଙ୍କୁ ଗାଳି ଦେଇଥିଲେ । ଛାତ୍ର ଜଣକ ନିଜର ଅନ୍ୟ ସହପାଠୀଙ୍କ ସହ ଖରାପ ଆଚରଣ କରୁଥିବା ସେ ତାକୁ ଗାଳି ଦେଇଥିଲେ । ଏଥିରେ ଛାତ୍ର ଜଣଙ୍କ ରାଗିଯାଇଥିଲା । ଶନିବାର ଅପରାହ୍ନରେ ସ୍କୁଲ ଛୁଟି ହେବାପରେ ଶିକ୍ଷକ ଜଣଙ୍କ ବାଇକରେ ନିଜ ଘରକୁ ଯାଉଥିବା। ସ୍କୁଲରୁ ବାହାରି କିଛି ଦୂର ଯିବାପରେ ଏକ ସ୍କୁଟିରେ ୪ ଯୁବକ ଆସିଲେ ଓ ତ୍ୟାଗୀଙ୍କ ଉପରକୁ ଗୁଳି କରିଥିଲେ। ଗୁଳି ଶବ୍ଦ ଶୁଣି ସେଠାରେ ଥିବା ଲୋକେ ଭୟରେ ଏପଟେ ସେପଟେ ଦୌଡିବାକୁ ଲାଗିଲେ। ତେବେ ଗୁଳିକାଣ୍ଡର ସମ୍ପୂର୍ଣ୍ଣ ଘଟଣା ସିସିଟିଭିରେ କଏଦ ହୋଇଥିଲା । ଏଥିରୁ ଆକ୍ରମଣୀକାରୀ ଛାତ୍ର ବୋଲି ସ୍ପଷ୍ଟ ହୋଇଛି । ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରି ସେମାନଙ୍କ ବିରୋଧରେ ହତ୍ୟା ଉଦ୍ୟମ ମାମଲା ରୁଜୁ କରିଛି ।

ଏଥିସହିତ ପଢ଼ନ୍ତୁ: କଂଗ୍ରେସ-ଡିଏମ୍‌କେ ମେଣ୍ଟ: ମାତ୍ର ୨୫ଟି ଆସନରେ ଲଢ଼ିବ କଂଗ୍ରେସ

Leave a Reply