ଜାତୀୟ ମାନବିକ ଅଧିକାର ସୁରକ୍ଷା ଏବଂ ଦୁର୍ନୀତି ନିବାରଣ ଆୟୋଗର ସମ୍ମିଳନୀ
1 min read
ଭୁବନେଶ୍ୱର: ଜାତୀୟ ମାନବିକ ଅଧିକାର ସୁରକ୍ଷା ଏବଂ ଦୁର୍ନୀତି ନିବାରଣ ଆୟୋଗ ପକ୍ଷରୁ ଆଜି ଭୁବନେଶ୍ୱର ରୋଟାରୀ ଭବନ ଠାରେ ରାଜ୍ୟ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି ସମ୍ମିଳନୀରେ ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ର ଯୋଗଦେଇ ମାନବିକ ଅଧିକାରର ସୁରକ୍ଷା ଏବଂ ଦୁର୍ନୀତି ମୁକ୍ତ ସମାଜ ଗଠନ ଉପରେ ଗୁରୁତ୍ୱାରୋପ କରିଥିଲେ ।
ଏହାସହ ମୁଖ୍ୟ ବକ୍ତା ଭାବେ ବିଶିଷ୍ଟ ସମାଜସେବୀ ଋତୁପର୍ଣ୍ଣା ମହାନ୍ତି, ମାନବିକ ଅଧିକାର ସୁରକ୍ଷା ଏବଂ ଦୁର୍ନୀତି ନିବାରଣ କ୍ଷେତ୍ରରେ ଉପୁଜୁଥିବା ସମସ୍ୟା ବିଷୟରେ ଆଲୋକପାତ କରିଥିଲେ । ଏହି ଅବସରରେ ମୁଖ୍ୟ ଅତିଥି ଶିଶିର ଭଟ୍ଟମିଶ୍ରଙ୍କ ସହ ଅନ୍ୟାନ୍ୟ ଅତିଥିମାନଙ୍କୁ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ NHRACFର ରାଷ୍ଟ୍ରୀୟ ସଭାପତି ବିରେନ ଦାଭେ, ରାଜ୍ୟ ସଭାପତି ଅରିଜିତ ଘୋଷାଲ, ରାଜ୍ୟ ଅଧ୍ୟକ୍ଷ ବିପ୍ଲବ ଚୌଧୁରୀ, ରାଜ୍ୟ ଉପାଧ୍ୟକ୍ଷ ପ୍ରଦ୍ୟୁମ୍ନ ତ୍ରିପାଠୀ ଉପସ୍ଥିତ ଥିଲେ ।
