ଦ କପିଲ ଶର୍ମା ସୋ’ରେ ସୋନୁ ସୁଦଙ୍କ ଖୁଲାସା, କହିଲେ କିପରି କଲେ ପ୍ରବାସୀ ଶ୍ରମିକଙ୍କ ସାହାଯ୍ୟ

ନୂଆଦିଲ୍ଲୀ: କପିଲ ଶର୍ମାଙ୍କ ଚର୍ଚ୍ଚିତ କମେଡୀ ସୋ ‘ଦ କପିଲ ଶର୍ମା ସୋ’ ପୁଣି ଥରେ ଲୋକମାନଙ୍କୁ ହସାଇବା ଆରମ୍ଭ କରିଦେଇଛି । କରୋନା ମହାମାରୀ ଯୋଗୁଁ ସମସ୍ତ ସୋ’ ବନ୍ଦ ହୋଇଯାଇଥିବା ବେଳେ କପିଲ ଶର୍ମା ସୋ’ର ସୁଟିଂ ମଧ୍ୟ ବନ୍ଦ ହୋଇଯାଇଥିଲା । ଯେହେତୁ ଦେରେ ଅନଲକର ପ୍ରକ୍ରିୟା ଜାରି ରହିଛି ତେଣୁ କପିଲ ଶର୍ମା ସୋ ପୁଣି ଥରେ ଲୋକମାନଙ୍କୁ ହସାଇବା ପାଇଁ ପ୍ରସ୍ତୁତ ହୋଇଯାଇଛି । ଦ କପିଲ ଶର୍ମା ସୋର ପ୍ରଥମ ଏପିସୋଡରେ କରୋନା କାଳରେ ଲୋକମାନଙ୍କୁ ଭଗବାନ ସଦୃଶ ସାହାଯ୍ୟ କରିଥିବା ସୋନୁ ସୁଦ୍ ଅତିଥି ହୋଇ ପହଞ୍ଚିଛନ୍ତି । ଏହି ଅବସରରେ ଅଭିନେତା ଜଣଙ୍କ କରୋନା କାଳ ମଧ୍ୟରେ ପ୍ରବାସୀ ଶ୍ରମିକ ମାନଙ୍କୁ ତାଙ୍କ ଘରକୁ ପଠାଇବାର କାହାଣୀ ବଖାଣି ଥିଲେ ।

https://www.instagram.com/p/CDY0ipQnV_U/?utm_source=ig_embed

ସୋନୁ ସୁଦ କିପରି ଲୋକମାନଙ୍କର ସାହାଯ୍ୟ କରିଥିଲେ ତାହା କହିଥିଲେ । ସେ କହିଛନ୍ତି ଯେ, ଆମେ ତାଙ୍କୁ ପଚାରିଥିଲୁ ଯେ ସେ କୁଆଡ଼େ ଯାଉଛନ୍ତି ? ସେମାନେ କହିଲେ ଦୟାକରି ଆମ ପାଇଁ ୧୦ ଦିନର ଖାଦ୍ୟ ପ୍ୟାକ କରିଦିଆନ୍ତୁ, ଆମେ ଚାଲି ଚାଲି ଆମ ଘର କର୍ଣ୍ଣାଟକ ଯାଉଛୁ ।‘ ମୁଁ ଦେଖିବାକୁ ପାଇଲି ଯେ ତାଙ୍କ ଛୁଆ ମାନେ ଖୁବ ଛୋଟ ଥିଲେ । କେହି କେହି ତ ଏକ ମାସରୁ ବି କମ ବୟସର ଥିଲେ । ମୁଁ ତାଙ୍କୁ ପଚାରିଲି, ଆପଣ ମାନେ ଛୁଆଙ୍କୁ ନେଇ କେମିତି ଯାଉଛନ୍ତି । ଆଉ ସେମାନେ କହିଲେ ଯେ, ଆମେ ୮ରୁ ୧୦ ଦିନ ମଧ୍ୟରେ ଆମ ଘରେ ପହଞ୍ଚି ଯିବୁ ଆପଣ ଖାଲି ଆମ ଖାଇବା ବ୍ୟବସ୍ଥା କରିଦିଆନ୍ତୁ । ତା ପରେ ସୋନୁ କହିଥିଲେ ଯେ, ମତେ ୨ ଦିନ ସମୟ ଦିଅନ୍ତୁ ମୁଁ ଆବଶ୍ୟକ ଅନୁମତି ସହିତ କେମିତି ବ୍ୟବସ୍ଥା କରିପାରିବି ।

ଏହାପରେ ସୋନୁ ସୁଦ କହିଛନ୍ତି ଯେ, ଆମେ ପ୍ରଥମ ଥର ୩୫୦ ଲୋକଙ୍କୁ କର୍ଣ୍ଣାଟକ ପହଞ୍ଚାଇବା ପାଇଁ ୧୦ଟି ବସର ବ୍ୟବସ୍ଥା କରିଥିଲୁ । ଆମେ କେବେ ଶିଖି ନଥିଲୁ କିନ୍ତୁ ବୋଧେ ଭଗବାନ ଆମକୁ ବାଛିଥଲେ ଏ କାମ କରିବା ପାଇଁ । ସୋ’ ରେ ଲୋକମାନଙ୍କର ଭଲପାଇବା ଏବଂ ସମ୍ମାନ ଦେଖି ଇମୋସନାଲ ମଧ୍ୟ ହୋଇଥିଲେ ସୋନୁ  ।