ବାହାରକୁ ଡିନର୍ ପାଇଁ ଗଲେ କାହିଁକି ପେମେଣ୍ଟ କରନ୍ତି ନାହିଁ ଶାହରୁଖ ?

ମୁମ୍ବାଇ: ବଲିଉଡ୍ କିଙ୍ଗ ଶାହରୁଖ ଖାନ୍ । ଖାଦ୍ୟପେୟ ପ୍ରତି ବେଶ୍ ସତର୍କ । ଆପଣ ଭାବୁଥିବେ ଶାହରୁଖ ସବୁବେଳେ ବୋଧ ହୁଏ ଘର ତିଆରି ସାମଗ୍ରୀ ଖାଇଥାନ୍ତି । ଖାଆନ୍ତି ତ ନିଶ୍ଚିୟ । ଶାହରୁଖ ବି ଆପଣଙ୍କ ଭଳି ବେଳେବେଳେ ବାହାରେ ଖାଇବାକୁ ପସନ୍ଦ କରିଥାନ୍ତି । ଆଉ ସେ ବାହାରେ ରାତ୍ରୀ ଭୋଜନ ପାଇଁ ସାଙ୍ଗମାନଙ୍କ ସହ ଯାଇଥାନ୍ତି । ତେବେ, ବାହାରେ ଡିନର୍ ପାଇଁ ଯିବାବେଳେ ଶାହରୁଖ ବିଲ୍ ପେମେଣ୍ଟ କରନ୍ତି ନାହିଁ ବୋଲି କହିଛନ୍ତି ।

ଜଣେ ଫ୍ୟାନ ଶାହରୁଖଙ୍କ ପଚାରିଥିଲେ- ଆପଣ ବାହାରକୁ ସାଙ୍ଗମାନଙ୍କ ସହ ଖାଇବାକୁ ଯିବାବେଳେ ବିଲକୁ ନିଜେ ଦିଅନ୍ତି ନା ବିଲକୁ ସାଙ୍ଗମାନଙ୍କ ସହ ବାଣ୍ଟି ପୈଠ କରନ୍ତି । ଏହି ପ୍ରଶ୍ନର ଉତ୍ତରରେ ଶାହରୁଖ କହିଛନ୍ତି- ସେ କେବେ ଟଙ୍କା ସାଙ୍ଗରେ ନିଅନ୍ତି ନାହିଁ । ସାଙ୍ଗମାନେ ଡିନର ବିଲ୍ ଦେଇଥାନ୍ତି ।

ଅନ୍ୟ ଜଣେ ଟ୍ୱିଟର ୟୁଜର୍ ଶାହରୁଖ ଜନ୍ମଦିନ ପାଳନ ଯୋଜନା ବିଷୟରେ ପଚାରିଛନ୍ତି । କହିଛନ୍ତି ପୋଲିସ ଆମଙ୍କୁ ଆପଣଙ୍କ ଘର ସାମ୍ନାକୁ ଯିବାକୁ ଦେବନାହିଁ । ଏହାର ଉତ୍ତରରେ ଶାହରୁଖ କହିଛନ୍ତି- ମହାମାରୀ କରୋନା ପାଇଁ ମୋ ଜନ୍ମଦିନ ହେଉ କି ଅନ୍ୟ କେଉଁଥି ପାଇଁ ଏକତ୍ରିତ ହୁଅନ୍ତୁ ନାହିଁ । ଏହି ଥରର ଭଲ ପାଇବା… ଟିକେ ଦୂରରୁ । ଆସନ୍ତା ନଭେମ୍ବର ୨ରେ ଶାହରୁଖଙ୍କ ଜନ୍ମଦିନ ପଡ଼ୁଛି ।