କରୋନା କଟକଣା ଉଜାଡ଼ି ଦେଇଛି ମୂର୍ତ୍ତି କାରଗରଙ୍କ ଜିବୀକା

sculpture

କେନ୍ଦୁଝର: ପରମ୍ପରା ସହ ଜଡିତ ଓଡ଼ିଶାର ସଂସ୍କୃତି । ବାର ମାସରେ ତେର ପର୍ବ । ପର୍ବପର୍ବାଣି ଉପରେ ନିର୍ଭର କରି ମୂର୍ତ୍ତି କାରିଗରର ପରିବାର ପ୍ରତିପୋଷଣ କରିଥାନ୍ତି । ହେଲେ କରୋନା କଟକଣା ଯୋଗୁ ବେଶ ପ୍ରଭାବିତ ହୋଇଛନ୍ତି ସେମାନେ । ଆଉ ଦିନ କେଇଟା ପରେ ଗଣେଶ ଓ ବିଶ୍ୱକର୍ମା ପୂଜା, ହେଲେ ମୂର୍ତ୍ତି ବିକ୍ରିକୁ ନେଇ କାରିଗର ଚିନ୍ତାରେ ।

କେନ୍ଦୁଝର ପୁରୁଣା ସହରରେ ରୁହନ୍ତି ୧୫ ରୁ ଅଧିକ ମୂର୍ତ୍ତି କାରିଗର । ପର୍ବ ପର୍ବାଣୀ ଋତୁରେ ତଥା ପୂଜା ପାର୍ବଣରେ ମୂର୍ତ୍ତି ତିଆରି କରି ନିଜର ବର୍ଷକର ପରିବାରର ଗୁଜୁରାଣ ମେଣ୍ଟାଇଥାନ୍ତି ଏହି କାରିଗର ମାନେ । କିନ୍ତୁ ସରକାରଙ୍କ ସାମୁହିକ ପୂଜା ଉପରେ କରୋନା କଟକଣା ଯୋଗୁଁ ଏଥର ମୂର୍ତ୍ତି ବେପାର ମାନ୍ଦା ପଡ଼ିଛି । ଆଗକୁ ଗଣେଷ ପୂଜା ଥିବାବେଳେ କାରିଗର ଚିନ୍ତାରେ ପଡ଼ିଯାଇଛନ୍ତି । କାରିଗର ଦୁଇ ପଇସା ପାଇବା ଆଶାରେ ମୂର୍ତ୍ତି ଗଢ଼ିଥିଲେ କିନ୍ତୁ ମୂର୍ତ୍ତି ବିକ୍ରିବଟା ହେଉନଥିବା ବେଳେ କେବଳ ଭଗବାନଙ୍କୁ ଭରସା କରି ବସିଛନ୍ତି ।

କଟକଣା ସତ୍ତ୍ୱେ ପୂଜା ପର୍ବାଣକୁ ଛାଡି ପାରିନହାନ୍ତି ଲୋକେ । ସେପଟେ ମୂର୍ତ୍ତି ବିକ୍ରିର ମାନ୍ଦା ଅବସ୍ଥା ପାଇଁ ଚଢା ଦରରେ ବିକ୍ରି ବି ହେଉଛି । ଅଧିକାଂଶ ଘରେ ଫଟୋ ରଖି ପୂଜା ପାଇଁ ପ୍ରସ୍ତୁତ ହେଉଥିବା ବେଳେ ଅଳ୍ପ କିଛି ସ୍ଥାନରେ ମୂର୍ତ୍ତି କିଣାଯାଉଥିବା ଦେଖିବାକୁ ମିଳିଛି ।

Leave a Reply