SBI ଗ୍ରାହକଙ୍କ ପାଇଁ ଗୁରୁତ୍ୱପୂର୍ଣ୍ଣ ଖବର, ଜାଣନ୍ତୁ କଣ

1 min read

ନୂଆଦିଲ୍ଲୀ: SBI ବ୍ୟାଙ୍କ ନିଜ ଗ୍ରାହକଙ୍କ ପାଇଁ ଅଧିକାଂଶ ସମୟରେ ଉପହାର ସ୍ୱରୂପ ନୂଆ ନୂଆ ଯୋଜନା ଆଣିଥାଏ । ଗ୍ରାହକଙ୍କୁ ସୁବିଧା ଯୋଗାଇବା SBIର ମୁଖ୍ୟ ଉଦ୍ଦେଶ୍ୟ । ଏଥି ସହିତ, SBI ଅନେକ ଦିନ ଧରି ଗ୍ରାହକଙ୍କ ବ୍ୟାଙ୍କ ଆକାଉଣ୍ଟରେ ସର୍ବନିମ୍ନ ଅର୍ଥରାଶି ସୀମା ଉପରୁ ପ୍ରତିବନ୍ଧକ ଉଠାଇ ଦେଇଛି। ଯେଉଁଥିପାଇଁ ଗ୍ରାହକମାନେ ଖୁବ ଖୁସି ଅଛନ୍ତି । SBI ବ୍ୟାଙ୍କ ସହିତ ଜଡିତ ଗ୍ରାହକଙ୍କ ବ୍ୟାଙ୍କ ଆକାଉଣ୍ଟରେ ଜିରୋ ବାଲାନ୍ସ ଉପରେ କୌଣସି ଜରିମାନା ଲାଗୁ କରିବ ନାହିଁ। ଏହା ସହିତ ଏସଏମଏସ ମାଧ୍ୟମରେ ବ୍ୟାଙ୍କରୁ ଦିଆଯାଉଥିବା ସେବା ପାଇଁ କୌଣସି ପ୍ରକାରର ଶୁଳ୍କ ଆଦାୟ କରାଯିବ ନାହିଁ। ଏହାର ଅର୍ଥ ହେଉଛି ବର୍ତ୍ତମାନ ବ୍ୟାଙ୍କ ଦ୍ୱାରା ଏସଏମଏସ ମାଧ୍ୟମରେ ପ୍ରଦାନ କରାଯାଇଥିବା ସେବା ଗ୍ରାହକଙ୍କ ପାଇଁ ସମ୍ପୂର୍ଣ୍ଣ ମାଗଣା । ଏଥି ସହିତ ଏସବିଆଇ ଗ୍ରାହକଙ୍କ ସଞ୍ଚୟ ବ୍ୟାଙ୍କ ଆକାଉଣ୍ଟରେ ସୁଧ ହାର ହ୍ରାସ କରିଛି, ଯେଉଁ କାରଣରୁ ଗ୍ରାହକମାନେ ନିରାଶ ହୋଇଛନ୍ତି।

ଏସବିଆଇ ଦ୍ୱାରା ନିଆଯାଇଥିବା ତିନୋଟି ନିଷ୍ପତ୍ତି ମଧ୍ୟରୁ ଗ୍ରାହକ ଦୁଇଟି ନିଷ୍ପତ୍ତିରେ ଖୁସି ଥିବାବେଳେ ସୁଧ ହାର ହ୍ରାସକୁ ନେଇ ନିରାଶ ହୋଇଛନ୍ତି। ପ୍ରଥମ ନିଷ୍ପତ୍ତି ବିଷୟରେ ଯଦି ଆଲୋଚନା କରିବା ତେବେ ବ୍ୟାଙ୍କ ସର୍ବନିମ୍ନ ଅର୍ଥରାଶି ନିୟମ ଉପରୁ ପ୍ରତିବନ୍ଧକ ଉଠାଇ ଦେଇଛି। ଯାହାର ଅର୍ଥ ହେଉଛି ଯଦି ଆକାଉଣ୍ଟରେ ଶୂନ୍ୟ ବାଲାନ୍ସ ଅଛି ତେବେ ଏଥିପାଇଁ କୌଣସି ପ୍ରକାରର ଦେୟ ଦେବାକୁ ପଡ଼ିବ ନାହିଁ । ପୂର୍ବରୁ ବ୍ୟାଙ୍କର ନିୟମ ଅନୁସାରେ ମେଟ୍ରୋ ସହରର ଖାତାଧାରକଙ୍କୁ ୩୦୦୦ ଟଙ୍କା, ସହରରେ ରହୁଥିବା ଖାତାଧାରୀଙ୍କ ପାଇଁ ୨୦୦୦ ଟଙ୍କା ଏବଂ ଗ୍ରାମାଞ୍ଚଳରେ ରହୁଥିବା ଖାତାଧାରୀଙ୍କ  ପାଇଁ ସର୍ବନିମ୍ନ ୧୦୦୦ ଟଙ୍କା ନିଜ ଆକାଉଣ୍ଟରେ ରଖିବା ଅନିବାର୍ଯ୍ୟ ଥିଲା । ଏଥି ସହିତ, ଯଦି ଆକାଉଣ୍ଟରେ ସର୍ବନିମ୍ନ ଧାର୍ଯ୍ୟ ଅର୍ଥରାଶି ଠାରୁ କମ୍ ଥାଏ ତେବେ ୧୫ ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡୁଥିଲା ।

ଏସବିଆଇ ବ୍ୟାଙ୍କର ଦ୍ୱିତୀୟ ନିଷ୍ପତ୍ତି ଅନୁଯାୟୀ ପ୍ରତି ତିନିମାସରେ ଏସଏମଏସ ସେବା ପାଇଁ ଏବେ କୌଣସି ଶୁଳ୍କ ପ୍ରଦାନ କରାଯିବ ନାହିଁ। ଏଥି ସହିତ, ଏସବିଆଇର ତୃତୀୟ ନିଷ୍ପତ୍ତି ଗ୍ରାହକଙ୍କ ପାଇଁ କୌଣସି ଝଟକାରୁ କମ୍ ନୁହେଁ। ବ୍ୟାଙ୍କ ଏହାର ସେଭିଂ ଖାତାଧାରୀଙ୍କ ଜମା ହୋଇଥିବା ରାଶି ଉପରେ ଦିଆଯିବାକୁ ଥିବା ସୁଧ ହାରକୁ ହ୍ରାସ କରିଦେଇଛି। ବର୍ତ୍ତମାନ, ସେଭିଂ ଖାତାରେ ଜମା ହୋଇଥିବା ରାଶି ଉପରେ ୩.୨୫ ପ୍ରତିଶତ ସୁଧ ହାର ହ୍ରାସ କରାଯାଇଛି ଓ ବାର୍ଷିକ ୩ ପ୍ରତିଶତ ସୁଧ ମିଳିବ ।

Leave a Reply