ଭି.କେ ଶଶିକଳା କରୋନା ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି

ଚେନ୍ନାଇ: ତମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀଙ୍କ ସହଯୋଗୀ ଭି.କେ ଶଶିକଳା କରୋନା ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସୂଚନା ଅନୁଯାୟୀ ତାଙ୍କୁ ଜ୍ୱର ହେବା ସହ ନିଶ୍ୱାସ ପ୍ରଶ୍ୱାସ ନେବାରେ ସମସ୍ୟା ହେଉଥିଲା। ତେଣୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ସୂଚନା ଅନୁଯାୟୀ ପ୍ରଥମେମ ଶଶିକଳାଙ୍କ ରିପୋର୍ଟରେ କୋଭିଡ ଚିହ୍ନଟ ହୋଇନଥିଲା । ପରେ ଏକାଧିକ ଟେଷ୍ଟ ପରେ ତାଙ୍କ ଠାରେ କୋଭିଡ ୧୯ ସଂକ୍ରମଣ ଚିହ୍ନଟ ହୋଇଛି। ପ୍ରଥମେ ସେ ବୋରିଂ ହସ୍ପିଟାଲରେ ଥିଲେ । ତେବେ ବର୍ତ୍ତମାନ ତାଙ୍କୁ ଭିକ୍ଟୋରିଆ ହ୍ସିଟାଲର କୋଭିଡ୍-୧୯ ୱାର୍ଡ଼ରେ ଭର୍ତ୍ତି ଅଛନ୍ତି. ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି।

ଏଆଡିଏମକେରୁ ବହିଷ୍କୃତ ଶଶିକଳା ବେଙ୍ଗାଲୁରୁ ଜେଲ୍‌ରେ ଥିଲେ। ଆୟବର୍ହିଭୂତ ସମ୍ପତ୍ତି ଠୁଳ ମାମଲାରେ ଶଶିକଳାଙ୍କୁ ୪ ବର୍ଷ ଜେଲଦଣ୍ଡ ମିଳିଥିଲା। ଆସନ୍ତା ସପ୍ତାହରେ ସେ ଜେଲ୍‌ରୁ ମୁକୁଳିବାର ଥିଲା।। କିନ୍ତୁ ଅସୁସ୍ଥ ଅନୁଭବ କରିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା।