ସାରୁଅ ଜମି ମାମଲାରେ ବିଭୂ ରଥଙ୍କୁ କ୍ରାଇମବ୍ରାଞ୍ଚର ଘନ ଘନ ଜେରା

ଭୁବନେଶ୍ୱର: କ୍ରାଇମବ୍ରାଞ୍ଚ ଖୋଲୁଛି ସାରୁଅ ସତ । ଓଡ଼ିଶା ଇନଫ୍ରାଟେକ୍ ପାଇଭେଟ୍ ଲିମିଟେଡ୍ କିଭଳି ଭାବେ ଦଳିତ ଲୋକଙ୍କ ଜମିକୁ ଚଞ୍ଚକତା କରି ହଡ଼ପ କରିଥିଲା ? ଗୋଟି ଗୋଟି କରି ତଥ୍ୟ ଆଦାୟ କରୁଛି କ୍ରାଇମବ୍ରାଞ୍ଚ । ଗତକାଲି କ୍ରାଇମବ୍ରାଞ୍ଚ EOW କମ୍ପାନୀର ପୂର୍ବତନ ନିର୍ଦ୍ଦେଶକଙ୍କୁ ପ୍ରାୟ ୩ ଘଣ୍ଟା ଧରି ଜେରା କରିଥିଲା । ଆଜି ଦ୍ୱିତୀୟ ଦିନରେ ଭି ବିଭୂଙ୍କୁ ଜେରା ଚାଲିଛି ।

ବିଭୂ ପ୍ରସାଦ ରଥ ଓଡ଼ିଶା ଇନଫ୍ରାଟେକ୍ ପାଇଭେଟ୍ ଲିମିଟେଡର ନିର୍ଦ୍ଦେଶକ ଥିବାବେଳେ କିଭଳି ଜମି କିଣା ଯାଇଥିଲା । ଏନେଇ ଇଓଡବ୍ଲ୍ୟୁ ତାଙ୍କୁ ପଚରାଉଚରା କରୁଛି । ଗତକାଲି ଜେରା ପରେ କ୍ରାଇମବ୍ରାଞ୍ଚକୁ ତଦନ୍ତ ପ୍ରକ୍ରିୟାରେ ସମ୍ପୂର୍ଣ୍ଣ ସହଯୋଗ କରିବେ ବୋଲି ବିଭୂ ପ୍ରସାଦ ରଥ କହିଥିଲେ । ଅନ୍ୟପଟେ ଏହି ମାମଲାରେ କ୍ରାଇମବ୍ରାଞ୍ଚ ପୂର୍ବରୁ ଗିରଫ କରିଥିବା ଓଟିଭିର ସିଏଫଓ ଓ ଓଡ଼ିଶା ଇନଫ୍ରାଟେକ୍ ପାଇଭେଟ୍ ଲିମିଟେଡର ନିର୍ଦ୍ଦେଶକ ମନୋରଞ୍ଜନ ଷଡ଼ଙ୍ଗୀ ଆଜି ଜାରପଡ଼ା ଜେଲରୁ ଇସ୍ତଫା ଦେଇଛନ୍ତି ।

ମନୋରଞ୍ଜନଙ୍କ ଇସ୍ତଫା ନେଇ ତାଙ୍କ ସମ୍ପର୍କୀୟ ସୂଚନା ଦେଇଛନ୍ତି । ସେ ଓଟିଭି ଗ୍ରୁପ୍ ଠାରୁ ନିଜ ବୃତ୍ତିଗତ ସମ୍ପର୍କ ଛିନ୍ନ କରିଛନ୍ତି । ଗତ ୧ ତାରିଖ ଦିନ ମନୋରଞ୍ଜନକୁ କ୍ରାଇମବ୍ରାଞ୍ଚ ଗିରଫ କରି ବିଚାର ବିଭାଗୀୟ ହାତଜକୁ ପଠାଇଥିଲା । ଏଥି ସହ ରିମାଣ୍ଡରେ ଆଣି ପଚରାଉଚରା ବେଳେ ସାରୁଅ ଜମି କେଳେଙ୍କାରୀର ଅନେକ ଗୁମର ଖୋଲିଥିଲେ । ଦଳିତ ଯୁବକ ରବୀନ୍ଦ୍ର ସେଠୀଙ୍କୁ ମୋହରା କରି କେମିତି ଜଗିମଙ୍ଗତ ପଣ୍ଡା ଅନସୂଚିତ ଜାତି ଲୋକଙ୍କ ଜମି ହଡ଼ପ କରିଥିବା ଜଣାପଡିଛି । ଏନେଇ ଗତକାଲି କ୍ରାଇମବ୍ରାଞ୍ଚ ଏଡିଜି ପ୍ରେସମିଟ୍ କରି ଗଣମାଧ୍ୟମକୁ ସୂଚନା ଦେଇଥିଲେ ।