ବେଆଇନ ବାଲିଘାଟ ଉପରେ ଚଢ଼ାଉ: ୭ ଟ୍ରାକ୍ଟର ଜବତ, ୧୧ ଜଣଙ୍କୁ ଅଟକ ରଖିଛି ପୋଲିସ
କଟକ: ବେଆଇନ ବାଲିଘାଟ ଉପରେ ଚଢ଼ାଉ । କଟକ ସଦର ବାଲିକୁଦ ଅଞ୍ଚଳରେ ବେଆଇନ ବାଲିଘାଟ ଉପରେ ଚଢ଼ାଉ କରିଛି କମିଶନରେଟ ପୋଲିସ । ଏହି ସମୟରେ ୭ଟି ଟ୍ରାକ୍ଟର ଜବତ କରିବା ସହ ୧୧ ଜଣକୁ ଅଟକ ରଖିଛି ପୋଲିସ । ଏଠାରେ ରିତିମନ ବେଆଇନ୍ ବାବେ ବାଲି ଚାଲଣ ହେଉଥିବା ନେଇ ଅଭିଯୋଗ ହେଉଥିଲା । ଖବରପାଇ ବେଆଇନ ବାଲିଘାଟ ଉପରେ ଚଢ଼ାଉ କରିଛି କମିଶନରେଟ୍ ପୋଲିସ ।
କୁଆଖାଇ ନଦୀ କୂଳରେ ଦୀର୍ଘ ଦିନ ଧରି ଏହି ବେଆଇନ ବାଲି ଚାଲାଣ ଚାଲିଥିଲା । ଏ ନେଇ ଅଭିଯୋଗରେ ପରେ କମିଶନରେଟ୍ ପୋଲିସର ସ୍ପେଶାଲ ସ୍କାଡ୍ ଚଢ଼ାଉ କରିଥିଲା । ଯାଞ୍ଚ ବେଳେ କୌଣସି ପ୍ରକାର କାଗଜପତ୍ର ଦେଖାପାରିନଥିଲେ ବାଲିଉଠାଣକାରୀ । ଅଟକ ଥିବା ଲୋକଙ୍କ ମଧ୍ୟରେ ୭ ଜଣ ଟ୍ରାକ୍ଟର ଚାଳକ ଏବଂ ବାଲିଘାଟ ଚଳାଉଥିବା ଲୋକଙ୍କୁ ଅଟକ ରଖିଛନ୍ତି । ମୁଖ୍ୟତ ରାତି ସମୟରେ ସେମାନେ ବାଲି ଚାଲାଣ କରୁଥିବା ଲୋକଙ୍କ ଆଡ଼ୁଆଳରେ ଏଭଳି ଚୋରାଚାଲାଣ ହେଉଥିବା କୁହାଯାଉଛି । ତେବେ ଅଭିଯୋଗ ପରେ ଦୀର୍ଘ ଦିନ ଧରି ଚାଲୁଥିବା ଚୋରା ବାଲିଚାଲାଣକୁ ଧରିପାରିଛି ପୋଲିସ ।
