ଆଇସୋଲେସନରେ ସଲମାନ ଖାନ୍

ମୁମ୍ବାଇ: ବଲିଉଡର ଅନେକ କଳାକାର କରୋନା ଭାଇରସ୍ ସଂକ୍ରମିତ ହେଉଥିବା ଖବର ଅନେକ ସମୟରେ ଶୁଣିବାକୁ ମିଳେ । ସେହିପରି ଏକ ଖବର ଆସିଛି ଦବଙ୍ଗ ଷ୍ଟାର ସଲମାନ ଖାନଙ୍କ ସମ୍ପର୍କରେ ।

ବଲିଉଡର ଭାଇଜାନ୍ ତଥା ଅଭିନେତା ସଲମାନ ଖାନ ନିଜକୁ ଆଇସୋଲେଟ୍ କରିଛନ୍ତି । ନିକଟରେ ତାଙ୍କ ଡ୍ରାଇଭର୍ ଓ ଦୁଇ ଜଣ ଷ୍ଟାଫ୍ କରୋନା ପଜିଟିଭ ଚିହ୍ନଟ ହେବା ପରେ ଆଇସୋଲେସନରେ ରହିଛନ୍ତି ଅଭିନେତା । ସଲମାନ୍ ଏବେ ବିଗ୍ ବସ୍ ସିଜନ-୧୪ର ହୋଷ୍ଟିଂ କରୁଥିବା ବେଳେ ଆଗାମୀ ଦିନରେ ସେ ବିଗ୍ ବସର ଏପିସୋଡ ଗୁଡିକରେ ନଜର ଆସିବେ କି ନାହିଁ ସେନେଇ କିଛି ସୂଚନା ମିଳିପାରିନାହିଁ ।

ଖବର ମୁତାବକ ସଲମାନ ଖାନଙ୍କ ଗାଡି ଚଳାଉଥିବା ଡ୍ରାଇଭର ଜଣକ କରୋନା ପଜିଟିଭ ଚିହ୍ନଟ ହେବା ପରେ ତାଙ୍କର ଅନ୍ୟ ଷ୍ଟାଫ୍ ମାନଙ୍କର ମଧ୍ୟ ଯାଞ୍ଚ କରାଯାଇଥିଲା । ଯାହା ପରେ ସେମାନଙ୍କ ମଧ୍ୟରୁ ଦୁଇ ଜଣ କର୍ମଚାରୀଙ୍କ ରିପୋର୍ଟ ପଜିଟିଭ ବାହାରିଛି । ଏହି ସୂଚନା ପରେ ଭାଇଜାନ ନିଜକୁ ଆାଇସୋଲେଟ୍ କରିଥିବା ଜଣାପଡିଛି ।