ସଚିନ୍‌ ଫ୍ୟାନ୍‌ଙ୍କ ପାଇଁ ଖୁସି ଖବର, ପୁଣି ଫେଭରାଇଟ୍‌ ପ୍ଲେୟାରଙ୍କୁ ଦେଖିବେ ମଇଦାନରେ

1 min read
Sachin Tendulkar

ଛତିଶଗଡ଼: କ୍ରିକେଟ୍‌ର ଭଗବାନ ସଚିନ୍ ତେନ୍ଦୁଲକର ଫ୍ୟାନ୍‌ ମାନଙ୍କ ପାଇଁ ଖୁସି ଖବର । ସେମାନେ ପୁଣି ଥରେ ସଚିନ୍‌ ତେନ୍ଦୁଲକରଙ୍କୁ ଦେଖିବେ ମଇଦାନରେ । ଏନେଇ ଏବେ ସବୁଠି ଚର୍ଚ୍ଚା । ତେବେ ଖାଲି ସଚିନ ତେନ୍ଦୁଲକର ନୁହଁନ୍ତି ବରଂ ବ୍ରାଏନ୍‌ ଲାରା, ବିରେନ୍ଦ୍ର ସେହଓ୍ୱାଗ, ମୁଥୟା ମୁରଲିଧରନ୍‌ ମଧ୍ୟ ନଜର ଆସିବେ ସଚିନ୍‌ଙ୍କ ସହ ମଇଦାନରେ ।

ମାର୍ଚ୍ଚ ୨ରୁ ୨୧ ଯାଏଁ ରାୟପୁରରେ ଆୟୋଜିତ ହେବାକୁ ଥିବା ରୋଡ୍‌ ସେଫ୍ଟି ଓ୍ୱାର୍ଲ୍ଡ ସିରିଜ୍‌ ଟି-ଟ୍ୱେଣ୍ଟିରେ ନଜର ଆସିବେ ଏହି କିମ୍ବଦନ୍ତୀ ଖେଳାଳିମାନେ । ରାୟପୁରରେ ହୋଇଥିବା ନବ ନିର୍ମିତ ଷ୍ଟାଡିୟମ୍‌ରେ ସମସ୍ତ ମ୍ୟାଚ୍‌ ଖେଳାଯିବ । ଏକକାଳିନ ୨୫ ହଜାର ଦର୍ଶକ ଏହି ଷ୍ଟାଡିୟମ୍‌ରେ ବସି ଖେଳ ଦେଖିବାର ସୁବିଧା ରହିଛି ।

ଦୀର୍ଘ ଦିନ ଧରି କ୍ରିକେଟ୍‌ ମଇଦାନଠାରୁ ଦୂରରେ ଥିବା କିମ୍ବଦନ୍ତୀ ଖେଳାଳିମାନଙ୍କୁ ଏହି ସିରିଜ୍‌ରେ ଦେଖିବାକୁ ମିଳିବ । ବ୍ରେଟ୍‌ ଲି, ତିଲକ୍‌ରତ୍ନେ ଦିଲସାନ୍‌ଙ୍କ ଭଳି ଖେଳାଳି ମଧ୍ୟ ଏହି ଷ୍ଟାଡିୟମରେ ନଜର ଆସିବେ । ଏହି ସିରିଜ୍‌ରେ ଅଷ୍ଟ୍ରେଲିଆ, ଶ୍ରୀଲଙ୍କା, ସାଉଥ୍‌ ଆଫ୍ରିକା, ଓ୍ୱେଷ୍ଟଇଣ୍ଡିଜ୍‌ ଏବଂ ଆୟୋଜକ ଭାରତ ଏହି ସିରିଜ୍‌ରେ ଭାଗ ନେଉଛନ୍ତି । ଏହି ସିରିଜ୍‌ ଆୟୋଜନର ମୁଖ୍ୟ କାରଣ ହେଉଛି ଲୋକଙ୍କ ମଧ୍ୟରେ ସଡ଼କ ସୁରକ୍ଷା ନେଇ ସଚେତନତା ବୃଦ୍ଧି କରିବା ।

Bhupesh Baghel

ତେବେ ଏଭଳି କାର୍ଯ୍ୟକ୍ରମର ଆୟୋଜନ ପାଇଁ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଘେଲ ପ୍ରଶଂସା କରିଛନ୍ତି । କିମ୍ବଦନ୍ତୀ କ୍ରିକେଟରମାନଙ୍କୁ ଏକାଠି ଏହି ସିରିଜ୍‌ ହୋଷ୍ଟ କରୁଥିବାର ଦେଖିବାକୁ ମିଳିବ ।

Leave a Reply