ନିଶାସକ୍ତ ଅବସ୍ଥାରେ ଗାଡ଼ି ଚଳାଇବା ମହଙ୍ଗା ପଡ଼ିଲା, ୫ ଗିରଫ

RTO Rourkela and Police arrest five drunken drivers DL

ରାଉରକେଲା: ରାସ୍ତାକୁ ଗାଡ଼ି ଧରି ଓହ୍ଲାଉଥିଲେ ସାବଧାନ ! ଛକ ଛକରେ ଛକିଛନ୍ତି ଆରଟିଓ କର୍ମଚାରୀ । ଟ୍ରାଫିକ ନିୟମର ଅବମାନନା କଲେ ଗିରଫ ହେବେ ଜେଲ୍ ଯିବେ । ତା ସହିତ ରଦ୍ଦ ହୋଇଯିବ ଆପଣଙ୍କ ଡ୍ରାଇଭିଂ ଲାଇସେନ୍ସ । ପରିବହନ ବିଭାଗ ପକ୍ଷରୁ ସାରା ରାଜ୍ୟରେ ଚାଲିଛି ଚେକିଂ । ରାସ୍ତାରେ ମଦ ପିଇ ଗାଡ଼ି ଚାଳନା କରୁଥିବା ଏକାଧିକ ଚାଳକଙ୍କୁ ଗିରଫ କରାଯିବା ସହ ସେମାନଙ୍କ ଡ୍ରାଇଭିଂ ଲାଇସେନ୍ସ ତିନିମାସ ଲାଗି ରଦ୍ଦ କରାଯାଇଛି ।

 RTO Rourkela and Police arrest five drunken drivers DL

ରାଉରକେଲା ସହରରେ ଚେକିଂ କଡ଼ାକଡ଼ି କରାଯାଇଛି । ଆରଟିଓ ରାଉରକେଲା ଓ ପୋଲିସର ମିଳିତ ଉଦ୍ୟମରେ ଯାଞ୍ଚ ବେଳେ ଧରାପଡ଼ିଛନ୍ତି ୫ ଜଣ ମଦ୍ୟପ ଟ୍ରକ୍ ଡ୍ରାଇଭର । ପରିବହନ ବିଭାଗ ସମସ୍ତ ନିଶାସକ୍ତ ଟ୍ରକ୍ ଡ୍ରାଇଭରଙ୍କ ଗାଡ଼ି ଜବତ କରିବା ସହ ଡ୍ରାଇଭିଂ ଲାଇସେନ୍ସକୁ ୩ ମାସ ପାଇଁ ରଦ୍ଦ କରି ଦେଇଛି । ଏଥିସହ ରାଉରକେଲା ଲାଠିକଠା ପୋଲିସ ମଦ ପିଇ ଗାଡ଼ି ଚଳାଉଥିବା ୫ ଜଣଙ୍କୁ ଗିରଫ କରିଛି ।

 RTO Rourkela and Police arrest five drunken drivers DL

ସେହିଭଳି ଗତକାଲି ଧରପଗଡ଼ ବେଳେ ମୟୂରଭଞ୍ଜ ଆରଟିଓ ଓ ପୋଲିସ ୪ ଜଣ ମଦ୍ୟପ ଡ୍ରାଇଭରଙ୍କୁ ଗିରଫ କରିଥିଲା । ସେମାନଙ୍କ ଗାଡ଼ି ଜବତ କରାଯିବା ସହ ଡିଏଲକୁ ତିନିମାସ ଲାଗି ରଦ୍ଦ କରି ଦିଆଯାଇଛି । ମୟୂରଭଞ୍ଜ ଆରଟିଓ ଓ ପୋଲିସ ପକ୍ଷରୁ ରାଇରଙ୍ଗପୁର ଏବଂ ବାରିପଦା ଟାଉନରେ ଯାଞ୍ଚ ବେଳେ ନିଶାସକ୍ତ ଡ୍ରାଇଭର ଧରାପଡ଼ିଥିଲେ ।

କେଉଁ କ୍ଷେତ୍ରରେ ରଦ୍ଦ ହୋଇପାରେ ଡିଏଲ୍ ?

୧) ଧାର୍ଯ୍ୟ ଗତିଠାରୁ ଅଧିକ ସ୍ପିଡରେ ଗାଡ଼ି ଚଳାଇବା, ଟ୍ରାଫିକରେ ନାଲିବତି ଡେଇଁବା

୨) ମାଲ ପରିବହନ ଗାଡ଼ିରେ ଓଭରଲୋଡିଂ ଏବଂ ଲୋକଙ୍କୁ ପରିବହନ

୩) ମଦ କିମ୍ବା ଅନ୍ୟ ନିଶାଦ୍ରବ୍ୟ ସେବନ କରି ଗାଡ଼ି ଚଳାଇବା

୪) ଗାଡ଼ି ଚଳାଇବା ବେଳେ ମୋବାଇଲ୍ ଫୋନର ବ୍ୟବହାର କରିବା

୫) ବିନା ହେଲମେଟରେ ଦୁଇ ଚକିଆ ଯାନ ଚଳାଇବା

Leave a Reply