କରୋନା କଟକଣାରେ ଆଜିଠୁ ଖୋଲିବ RTO କାର୍ଯ୍ୟାଳୟ
1 min read
ଭୁବନେଶ୍ୱର: ଆଜିଠୁ ଖୋଲିବ ସମସ୍ତ ଆରଟିଓ କାର୍ଯ୍ୟାଳୟ । କୋଭିଡ-୧୯ର ସମସ୍ତ ନିୟମକୁ ମାନିବା ବାଧ୍ୟତାମୂଳକ କରାଯାଇଛି । ତେବେ ଆଜିଠାରୁ ଡ୍ରାଇଭିଂ ଲାଇସେନ୍ସ, ଲର୍ଣ୍ଣିଂ ଲାଇସେନ୍ସ ଓ ସ୍ଲଟ ବୁକିଂ ହେବ । ଆରଟିଓ କାର୍ଯ୍ୟାଳୟରେ ସାମାଜିକ ଦୂରତା ସହ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଯେଉଁ ମାନେ ଲାଇସେନ୍ସ ପାଇଁ ଆସିବେ ସେମାନଙ୍କୁ କରୋନା କଟକଣାକୁ କଡ଼ାକଡ଼ି ଅବଲମ୍ବନ କରିବାକୁ ନିର୍ଦ୍ଦେଶ ରହିଛି ।
ମାର୍ଚ୍ଚ ମାସରେ କରୋନା କଟକଣା ପରେ ବନ୍ଦ ଥିଲା ଆରଟିଓ କାର୍ଯ୍ୟାଳୟ । ତେବେ ଆରଟିଓ ଅଫିସ ଖୋଲିବା ନେଇ ପରିବହନ ବିଭାଗ ବିଜ୍ଞପ୍ତି ଜାରି କରିଛି । ଆରଟିଓ ଅଫିସ ମଧ୍ୟକୁ କେବଳ ଅଫିସ ଷ୍ଟାଫ ଏବଂ ସ୍ୱୀକୃତ ଥିବା ବ୍ୟକ୍ତି ଯାଇପାରିବେ । ସ୍ଲଟ ବୁକିଂ ଟାଇମିଂର ଅଧଘଣ୍ଟା ପୂର୍ବରୁ ଆବେଦନକାରୀ ଆରଟିଓ ଅଫିସରେ ପହିଞ୍ଚିବାକୁ ପଡ଼ିବ ।
