ପର୍ଯ୍ୟଟକ ବେଶରେ ମହିଳା ଗଞ୍ଜେଇ ବେପାରୀ, ଟୁରିଷ୍ଟ ବ୍ୟାଗରେ ଟ୍ରେନରେ କରୁଛନ୍ତି ଚାଲାଣ

RPF Seized Cannabis Worth 4 Lakhs From Bhubaneswar Railway Station, Held 3

ଭୁବନେଶ୍ୱର: ରାଜଧାନୀରୁ ପୁଣି ଗଞ୍ଜେଇ ଜବତ । ଟ୍ରାଭେଲ ବ୍ୟାଗରେ ଗଞ୍ଜେଇ ଚାଲାଣ ବେଳେ ଭୁବନେଶ୍ୱର ରେଳ ଷ୍ଟେସନରୁ ୨ ମହିଳା ଗିରଫ । ଭୁବନେଶ୍ୱର ଓ ଆରପିଏଫ କ୍ରାଇମବ୍ରାଞ୍ଚ ଖୋର୍ଦ୍ଧାରୋଡ୍ ମିଳିତ ଚଢାଉରେ ୪ ଲକ୍ଷ ଟଙ୍କାର ଗଞ୍ଜେଇ ଜବତ ହୋଇଛି । ଭୁବନେଶ୍ୱରରୁ ନୂଆଦିଲ୍ଲୀ ଚାଲାଣ ବେଳେ ରେଳ ଷ୍ଟେସନରୁ ବିପୁଳ ପରିମାଣର ଗଞ୍ଜେଇ ଧରାପଡ଼ିଛି । ରାଜଧାନୀ ଏକ୍ସପ୍ରେସରେ ଯିବା ପାଇଁ ଟ୍ରାଭେଲ ବ୍ୟାଗରେ ଗଞ୍ଜେଇ ଧରି ଟୁରିଷ୍ଟ ବେଶରେ ଆସିଥିବା ସୁରାକ ମିଳିଥିଲା ।

RPF Seized Cannabis Worth 4 Lakhs From Bhubaneswar Railway Station, Held 3

ସୂଚନା ପାଇବା ପରେ ବ୍ୟାଗେଜ ସ୍କାନର ଚେକିଂକୁ ଜୋରଦାର କରି ନଜର ରଖିଥିଲା ଟିମ୍ । ଷ୍ଟେସନକୁ ଏଣ୍ଟ୍ରି ବେଳେ ୩ ଜଣଙ୍କୁ ଗିରଫ କରିଛି ଆରପିଏଫ ଟିମ । ଦୁଇଜଣ ମହିଳା ସହ ଜଣେ ଯୁବକକୁ ଗିରଫ କରାଯାଇଛି । ସେମାନଙ୍କ ଠାରୁ ୪୧ କେଜି ଗଞ୍ଜେଇ ଜବତ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ସଞ୍ଜୟ ବେନ, ବାସନ୍ତୀ ଦାସ, ଉନ୍ନତି ମଣ୍ଡଳ । ସମସ୍ତେ ପଶ୍ଚିମବଙ୍ଗର ମାଲଦା ଅଞ୍ଚଳର ବୋଲି ଜଣାପଡ଼ିଛି ।

Leave a Reply