ଡ୍ରଗ୍ସ ମାମଲାରେ ରିୟାଙ୍କୁ ମିଳିଲାନି ଜାମିନ୍, ୧୪ ଦିନ ଯାଏଁ ରହିବେ ବିଚାର ବିଭାଗୀୟ ହାଜତରେ

1 min read

ମୁମ୍ବାଇ: ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (NCB) ଆଜି ରିୟା ଚକ୍ରବର୍ତ୍ତୀଙ୍କୁ ସୁଶାନ୍ତ ସିଂହ ରାଜପୁତ ମୃତ୍ୟୁ ସହ ଜଡ଼ିତ ଡ୍ରଗ୍ସ ମାମଲାରେ ଗିରଫ କରିଥିଲା । ଏହାପରେ ରିୟାଙ୍କୁ ସାୟନ ହସ୍ପିଟାଲ ନିଆଯାଇ ସ୍ୱାସ୍ଥ୍ୟ ଯାଞ୍ଚ କରାଯାଇଥିଲା । ତା’ ପରେ ଏନସିବି ଅଫିସକୁ ରିୟାଙ୍କୁ ନିଆଯାଇଥିଲା ।

ସେଠାରେ ଭିଡିଓ କନଫରେନ୍ସିଂ ଜରିଆରେ ତାଙ୍କୁ କୋର୍ଟରେ ହାଜର କରାଯାଇଥିଲା । ଯେଉଁଠି ଅଦାଲତ ରିୟାଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି । ଯାହାପରେ ରିୟାଙ୍କ ଓକିଲ ଜାମିନ୍ ପାଇଁ ଆବେଦନ କରିଥିଲେ । ଲମ୍ବା ଶୁଣାଣି ପରେ ଅଦାଲତ ରିୟାଙ୍କ ଜାମିନ ଆବେଦନକୁ ଖାରଜ କରି ଦେଇଛନ୍ତି ।

ତେବେ, ଆଜି ରିୟା ଜେଲ୍ ଯିବେ ନାହିଁ । ଆଜି ରାତିରେ ସେ NCBର ସେଲରେ ରହିବେ । ଜେଲ୍ ରୁଲ୍ ବୁକ୍ ଅନୁସାଲେ ସନ୍ଧ୍ୟାରେ ଜେଲରେ କଏଦୀଙ୍କ ଗଣନା ପରେ ଆଉ ନୂଆ କଏଦୀଙ୍କୁ ନିଆଯାଏ ନାହିଁ । ଏଥିପାଇଁ ରିୟା ଆଜି NCB ଲକଅପରେ ରହିବେ ।

ଏହାର ଠିକ୍ ପୂର୍ବରୁ ଏନସିବି ଅଧିକାରୀ କହିଥିଲେ- ଏଜେନ୍ସି ରିୟା ଚକ୍ରବର୍ତ୍ତୀଙ୍କ ରିମାଣ୍ଡ ଆବେଦନ କରିବ ନାହିଁ ବୋଲି କହିଥିଲେ । ଏନସିବି ୨୧ ସେପ୍ଟେମ୍ବର ଯାଏଁ ରିୟାଙ୍କୁ ବିଚାର ବିଭାଗୀୟ ହାଜତକୁ ପଠାଇବା ପାଇଁ ଆବେଦନ କରିଥିଲା । ପଚରାଉଚରା ବେଳେ ରିୟା ଡ୍ରଗ୍ସ ପାଇଁ ଟଙ୍କା ଦେଉଥିବା ମାନିଥିବା କହିଛି ଏନସିବି । ରିମାଣ୍ଡ କପି ମୁତାବକ, ଡ୍ରଗ୍ସ ରାକେଟରେ ରିୟା ଚକ୍ରବର୍ତ୍ତୀ ସାମିଲ୍ ଥିଲେ । କେଉଁ ପ୍ରକାର ଡ୍ରଗ୍ସ ଏହା ବି ରିୟା କହୁଥିଲେ ।

Leave a Reply